بە گوێرەی راگەیێندراوێكی قایمقامییەتی سلێمانی، به‌هۆی پابه‌ندنه‌بوون به رێكاره‌كانی خۆپارێزی له ڤایرۆسی كۆرۆنا، لیژنه هاوبه‌شه‌كانی قایمقامیه‌ت 20 شوێنیان داخستووه و هۆشداریش به سه‌رجه‌م شوێنه‌كان ده‌ده‌ن كه پابه‌ندی رێنماییه‌كان بن، به‌پێچه‌وانه‌وه داده‌خرێن.
ئەو شوێنانەی له ماوه‌ی هه‌فته‌یه‌كدا داخراون 13 ریستۆرانتی گه‌شتیاری و شه‌ش كافتریای نێرگه‌له‌كێشان و مه‌له‌وانگه‌یەک بوون. رێگەیان پێنادرێت تاوەکو مانگێکی دیکە شوێنەکانیان بکەنەوە.
قایمقامییەتی سلێمانی ئاماژە بەوە دەدات، به‌پێی رێنماییه‌كانی خۆپارێزی شوێنه‌كان به‌مه‌رجی پابه‌ندبوون به رێنماییه‌كانی ته‌ندروستی و رێكاره‌كانی خۆپارێزی و به‌كارهێنانی ده‌ستكێش و ده‌مامك و به‌كارهێنانی مادده‌ی پاكژكردنه‌وه مۆڵه‌تی كاركردنیان وه‌رگرتووه، به‌پێچه‌وانه‌وه شوێنه‌كه‌یان رووبه‌ڕووی داخستن ده‌بێته‌وه.
کۆمێنت (0)
تا ئێستا هیچ کۆمێنتێک نەکراوە.