سەر لە بەیانی ئەمڕۆ دەسەلاتی دادوەری ئێرانی فەرمانی لە سێدارەدانی دەرهەق بە یەكێك لە هاووڵاتیانی وڵاتەكەی بەتۆمەتی سیخوری كردن بۆ بەرژەوەندیەكانی ئەمریكا و ئیسرائیل و پێدانی زانیاری لە سەر جولەی قاسم سلیمانی فەرماندەی فەیلەقی قودسی ئیرانی لە كاتی بوونی لە سوریا جێبەجێ كرد .
ئەمڕۆ 20ی تەمووزی سالی 2020 حوكمی لە سیدارەدان دەرهەق بە مەحمود كازم موسەوی جێبەجێكرا دوای ئەوەی دانی بەوە نا كە بۆ بەرژەوەندی ئاژانسی هەواڵگری ئەمریكا و مۆسادی ئیسرائیلی كاری كردووە .
غولام حوسێن ئیسماعیلی گوتەبێژ بەناوی دەسەڵاتی دادوەری لە ئێران روونیكردەوە كە فەرمانی لە سێدارەدانی موسەوی واژوو كرا و ئەمڕۆ جێبەجێكرا ، دوای دەستگیركردنی ناوبراو دانی نا بەوەی سیخوری كردووە و زانیاری داوە لە سەر جولەی قاسم سلیمانی فەرماندەی فەیلەقی قودس .
سوهێل تاهیر .... كوردستان تیڤی
کۆمێنت (0)
تا ئێستا هیچ کۆمێنتێک نەکراوە.