پیاوێک له‌بنه‌سڵاوه‌ هاوسه‌ره‌که‌ی خۆی کوشت

له‌بنه‌سڵاوه‌ ئافره‌تێك به‌ناوی (هه‌نا حه‌مید له‌تیف) له‌لایه‌ن مێرده‌كه‌ی به‌ناوی (ك.ح.ج) كوژرا.

پۆلیسی هه‌ولێر رایگه‌یاند: دوای ئاگاداركردنه‌وه‌ی به‌ڕێوه‌به‌رایه‌تی پۆلیسی پارێزگای هه‌ولێر، به‌بوونی ڕووداوێكی كوشتن له‌ قه‌زای ده‌شتی هه‌ولێر له‌ بنه‌سڵاوه‌، ده‌ستبه‌جێ تیمێكی لێكۆڵینه‌وه‌ پێكهێندرا و گه‌یشتنه‌ شوێنی ڕووداو، دوای لێكۆڵینه‌وه‌یه‌كی وورد له‌ ڕووداوه‌كه‌ ده‌ركه‌وت كه‌وا ئافره‌تێك به‌ناوی (هه‌نا حه‌مید له‌تیف) له‌لایه‌ن مێرده‌كه‌ی به‌ناوی (ك.ح.ج) كوژراوه‌.

پۆلیسی هه‌ولێر ده‌شڵێت: ھێزه‌كانی پۆلیس توانیان له‌ماوه‌ی كه‌متر له‌ دوو كاتژمێر، تۆمه‌تبار به‌ پێ ی مادده‌(٤۰٥) له‌ یاسای سزادانی عێراقی ده‌ستگیر بكه‌ن.