ئێوارەی ئەمڕۆ چوارشەممە، لە کوێستانەکانی بەردەبووک لە دەڤەری باڵەکایەتی هاووڵاتییەکی دانیشتووی شارەدێی سمیلان بەهۆی پێداتەقینەوەی مین گیانی لەدەستدا.
ئیبراهیم عوسمان، دانیشتووی شارەدێی سمیلان بە کوردستان تیڤی ڕاگەیاند: هاووڵاتییەکە ناوی (دلشاد عەبدولڕەحمان)ه تەمەنی 48 ساڵە و دانیشتووی گوندی ماوانە، ئەو هاووڵاتییە پیشەی پێشمەرگەیە، خاوەنی دوو سەر خێزانە، بۆ لەوەڕاندنی ئاژەڵەکانی ڕووی لە کوێستانی بەردەبووک کردووه و ئێوارەی ئەمڕۆ چۆتە ناو کێڵگەیەکی بەمینچێندراو و مینێکی مەترسیداری پێدا تەقیوەتەوە و گیانی لەدەست داوە.
بەپێی زانیارییەکانی کوردستان تیڤی تیمی تەندروستی و بنکەی بەرگری شارستانی ناوچەکە خەریکی هێنانەوەی تەرمی ئەو هاووڵاتییەن، دواتر تەرمەکەی ڕەوانی پزیشکی دادی لە سۆران دەکرێت.
پ: کەریم سمکۆ
کۆمێنت (0)
تا ئێستا هیچ کۆمێنتێک نەکراوە.