لە قەڵادزێ تەرمی منداڵێكی تەمەن 11 ساڵان دۆزرایه‌وه، پۆلیسی ناوچەكەش ده‌ڵێت: منداڵەكە لەناو ئاودا خنكاوەو لێكۆڵینەوەش لە رووداوەكە ده‌ستی پێكردووه.
له راگه‌یه‌ندراوێكی بەڕێوەبەرایەتی پۆلیسی ڕاپەڕیندا هاتووه، کاتژمێر 4:30 خولەکی دوانیوەڕۆی ئەمڕۆ چوارشه‌ممه تەرمی منداڵێک بەناوی ( م . ک . ع ) تەمەن 11 ساڵان، دانیشتووی گوندی ( قادراوە ) سەر بە ناحیەی سەنگەسەر قەزای پشدەر گەیەندرایە نەخۆشخانەی گشتی قەڵادزێ.
پۆلیسی راپەڕین لە راگەیاندراوێكدا ئاشكرایكردووە، بە گوێرەی ڕاپۆرتی پزیشکی نەخۆشخانە ئەو منداڵە لە ئاودا خنکاوە، پاش توێکاری بۆ لاشەکەی ڕادەستی کەسوکاری کرایەوە، دۆسیەی لێکۆڵینەوە بۆ ڕووداوەکە کراوەتەوە و لێکۆڵینەوەش بەردەوامە.
کۆمێنت (0)
تا ئێستا هیچ کۆمێنتێک نەکراوە.