شه‌وی ڕابردوو له ناحیه‌ی به‌حركه‌ی سه‌ر به پارێزگای هه‌ولێر له حاڵه‌تێكی ده‌گمه‌ندا كه‌سێك له‌كاتی گۆڕهه‌ڵكه‌ندن بۆ ئافره‌تێك كه گیانی سپاردبوو هه‌ر له ناو ئه‌و گۆڕه‌ی كه بۆ ئافره‌ته‌كه لێیدابوو گیان له‌ده‌ست ده‌دات.
له‌م باره‌یه‌وه په‌یامنێرمان پێی ڕاگه‌یاندین شه‌وی ڕابردوو هاووڵاتی " ئه‌كره‌م یاسین" له‌كاتی هه‌ڵكه‌ندنی گۆڕ بۆ بۆ ئافره‌تێك كه گیانی له‌ده‌ستدابوو، له‌ناو گۆڕه‌كه‌دا تووشی جه‌ڵده‌ی دڵ ده‌بێت و كۆچی دوایی ده‌كات.
ڕاشیگه‌یاند: مام ئه‌كره‌م پیاوێكی خێرخواز بووه و شاره‌زایی له ناشتنی مردوودا هه‌بووه و و به‌خۆبه‌خشانه ئه‌و كاره‌ی كردووه و به‌داخه‌وه هه‌ر له كاتی گۆڕهه‌ڵكه‌ندنیشدا دڵی له لێدان كه‌وتووه.
شایه‌نی باسه ئه‌كره‌م یاسین، خه‌ڵكی گوندی پێندرۆی سه‌ر به ده‌ڤه‌ری بارزانه و خێزانداره و منداڵی نییه.
کۆمێنت (0)
تا ئێستا هیچ کۆمێنتێک نەکراوە.