به‌ ڤیدیۆ.. هۆتێلێکی گه‌وره‌ له‌ شه‌قلاوه‌ سووتا

نیوه‌ڕۆی ئه‌مڕۆ پێنجشه‌ممه‌ ئاگر له‌ هۆتێلێكی قه‌زای شه‌قلاوه‌ كه‌وته‌وه‌ و به‌هۆیه‌وه‌ هۆتێله‌كه‌ سووتا.

له‌م باره‌یه‌وه‌ په‌یامنێرمان پێیڕاگه‌یاندین: به‌هۆی شۆرتی كاره‌باوه‌ ئاگر له‌ هۆتێل "سیمۆن كه‌وته‌وه‌ و به‌هۆیه‌وه‌ هۆتێله‌كه‌ سووتا.

له‌ باره‌ی زه‌ره‌ر و زیانه‌كانیشه‌وه‌ ڕایگه‌یاند: زه‌ره‌رو زیانێكی گه‌وره‌ی ماددی به‌ر هۆتێله‌كه‌ كه‌وتووه‌ و تا ئێستاش دیار نییه‌ زیانی گیانی هه‌بووه‌ یاوه‌خود نا.

گوتیشی: دوا به‌دوای ڕووداوی ئاگركه‌وتنه‌وه‌كه‌ تیمه‌كانی به‌رگری شارستانی شه‌قلاوه‌ گه‌یشتنه‌ شوێنی ڕووداوه‌كه‌ و پاش ماوه‌یه‌ك توانرا ئاگره‌كه‌ كۆنتڕۆڵ بكرێت.