ڕۆژی شەممەی داھاتوو پارتی دیموكراتى كوردستان و یەکێتی نیشیمانی كوردستان کۆده‌بنه‌وه
له‌باره‌ى كۆبوونه‌وه‌كه‌ی هه‌ردوو پارت بلند ئیسماعیل، بەرپرسی لقی 16ی پارتی بە ماڵپەڕی فەرمیی پارتی دیموکراتی کوردستانی ڕاگەیاند: دیارە تەوەری سەرەکیی کۆبوونەوەکە ھەڵگرتنی بەرپرسیاریەتییە لەلایەن یەکێتییەوە، بەداخەوە لە ماوەکانی ڕابردوودا بەشێک لە سەرکردایەتیی یەکێتی سلۆکێکی مەعقوولیان نەبووە، لە لایەک چەندین پۆستی باڵایان لەنێو حکوومەتدا ھەیە و لە لایەکیشەوە داوای ڕووخانی حکوومەتیان دەکرد.
ده‌شڵێت پارتی و یەکێتی مادام پێکەوە حکوومەتیان پێک ھێناوە و شەریکن، پێویستە بەرپرسیاریەتیش پێکەوە ھەڵگرن، ناکرێت یەکێتی لە لایەکەوە لە حکوومەتدا بێت و لە لایەکی دیکەوە دژی حکوومەتی ھەرێمی کوردستان بێت.
به‌رپرسی لقی 16 ى پارتى دیموكراتى كوردستان ئاماژه به‌وه‌ش ده‌كات كه کۆبوونەوەی پارتی و یەکێتی پێویستە بەڕێوە بچێت، چونکە دواجار ھەر دەبێت بگەینە ڕێککەوتن لەسەر ھەر کێشەیەک ڕوو بدات، بەتایبەتی ئێمە لە ھەندێ ھەڵوێستی یەکێتی نیگەرانین و لە کۆبوونەوەی داھاتوو باس لەو کێشانە دەکەین.
کۆمێنت (0)
تا ئێستا هیچ کۆمێنتێک نەکراوە.