له‌گوندی مله‌سووره -ی سه‌ر به‌شاره‌دێی ڕزگاری له شارۆچكه‌ی كه‌لار،كه‌سێك به‌فیشه‌ك كوژراو كه‌سوكاره‌كه‌شی ده‌ڵێن:ماتۆڕسكیلێك كه دوو كه‌سی له‌سه‌ر بووه، ته‌قه‌یان له‌ناوبراو كردووه‌و له‌ئه‌نجامدا گیانی له‌ده‌ستداوه .
پۆلیسی گه‌رمیان رایگه‌یاند: به‌یانی ئه‌مڕۆ شه‌مه له‌گوندی مله‌سووره سه‌ر به‌شاره‌دێی ڕزگاری له شارۆچكه‌ی كه‌لار ،ته‌رمی هاووڵاتیه‌ك به‌ناوی ( نه‌وشیروان جه‌لال محه‌مه‌د ) له‌دایكبووی 1985 ،هێنرایه به‌شی فریاكه‌وتنی شه‌هید هه‌ژار له‌كه‌لار، كه‌به‌هۆی به‌ركه‌وتنی فیشه‌كه‌وه گیانی له‌ده‌ستدابوو.
هه‌روه‌ها پۆلیسی گه‌رمیان ده‌ڵێت: به‌وته‌ی كه‌سوكاری، ماتۆڕسكیلێك كه دوو كه‌سی له‌سه‌ر بووه، ته‌قه‌یان له‌ناوبراو كردووه‌و له‌ئه‌نجامدا گیانی له‌ده‌ستداوه .
پۆلیسی ده‌شڵێت:له‌سه‌ر سكاڵای كه‌سوكاری، به‌بڕیاری دادوه‌رو به‌پێی ماده‌ی (406) فه‌رمانی ده‌ستگیركردن بۆ حه‌وت كه‌س ده‌رچووه، كه‌پێشتر له‌سه‌ر زه‌وی و زار كێشه‌یان بووه‌و كوژراو له‌نێوانیان ڕوویداوه .
کۆمێنت (0)
تا ئێستا هیچ کۆمێنتێک نەکراوە.