مه‌سرور بارزانی، سه‌رۆكی حكومه‌تی هه‌رێمی كوردستان ، به‌بۆنه‌ی 11مین ساڵیادی دامه‌زراندنی بزووتنه‌وه‌ی گۆڕان رایده‌گه‌ێنێ، ئومێده‌وارم به هه‌ماهه‌نگیی و هاوكاریی گشت لایه‌نه سیاسی و پێكهاته‌كانی هه‌رێم، حكومه‌تی هه‌رێمی كوردستان بتوانێت كارنامه چاكسازییه هه‌مه‌لایه‌ن و گشتگیره‌كه‌ی، به سه‌ركه‌وتوویی جێبه‌جێ بكات.
ئه‌مه‌ش ده‌قی په‌یامه‌كه‌ی سه‌رۆكی حكومه‌تی هه‌رێمی كوردستانه ..
به‌ڕێز: عومه‌ری سه‌ید عه‌لی، ڕێكخه‌ری بزووتنه‌وه‌ی گۆڕان.
به‌ڕێزان :ئه‌ندامانی خانه‌ی ڕاپه‌ڕاندن و جڤاتی نیشتمانیی بزووتنه‌وه‌ی گۆڕان .
به بۆنه‌ی یازده ساڵه‌ی دامه‌زراندنی بزووتنه‌وه‌ی گۆڕان، پیرۆزبایی له به‌ڕێزتان و ئه‌ندام و لایه‌نگرانی بزووتنه‌وه‌ی گۆڕان ده‌كه‌م و هیوای سه‌ركه‌وتنتان بۆ ده‌خوازم.
بزووتنه‌وه‌ی گۆڕان وه‌ك لایه‌نێكی گرنگی پێكهێنه‌ری حكومه‌تی هه‌رێمی كوردستان، رۆڵێكی دیاری له بزووتنه‌وه‌ی سیاسیی هه‌رێمی كوردستاندا هه‌یه. ئومێده‌وارم به هه‌ماهه‌نگیی و هاوكاریی گشت لایه‌نه سیاسی و پێكهاته‌كانی هه‌رێم، حكومه‌تی هه‌رێمی كوردستان بتوانێت كارنامه چاكسازییه هه‌مه‌لایه‌ن و گشتگیره‌كه‌ی، به سه‌ركه‌وتوویی جێبه‌جێ بكات و هه‌موومان به‌یه‌كه‌وه، پارێزگاریی و داكۆكی له مافه ده‌ستوورییه‌كانمان له عێراقی فیدراڵ و قه‌واره‌ی سیاسیی هه‌رێمی كوردستان بكه‌ین .
مه‌سرور بارزانی
سه‌رۆكی حكومه‌تی هه‌رێمی كوردستان
2020/7/25
کۆمێنت (0)
تا ئێستا هیچ کۆمێنتێک نەکراوە.