پارێزگاری هه‌ولێر، له‌میانه‌ی به‌سه‌ركردنه‌وه‌ی بازاڕی سیمی گه‌ڕه‌كی كوردستانی شاری هه‌ولێر رایگه‌یاند: هه‌وڵده‌ده‌ین له‌زووترین كاتدا خه‌ڵكه‌كه ده‌ست به‌كارو كاسبی خۆی بكاته‌وه.
فرسه‌ت سۆفی ،پارێزگاری هه‌ولێر، دووكانه‌كانی بازاڕی سیمی گه‌ڕه‌كی كوردستانی به‌سه‌ركرده‌وه و له لێدوانێكیشیدا بۆ كه‌ناڵه‌كانی راگه‌یاندن گوتی: هه‌موو هه‌وڵێك ده‌ده‌ین بۆ ئه‌وه‌ی جارێكی تر ئه‌وه‌ی روویدا دووباره نه‌بێته‌وه‌و رێگا له‌و ئاگركه‌وتنه‌وه‌یه بگرین و لیژنه‌یه‌كيشمان به‌هه‌ماهه‌نگی له‌گه‌ڵ ئه‌نجوومه‌نی بازاڕی سیم له‌گه‌ڕه‌كی كوردستان پێكهێناوه.
هه‌روه‌ها گوتی: به‌رژه‌وه‌ندی ئه‌م خه‌ڵكه له‌لای ئێمه له‌سه‌رووی هه‌موو شتێكه‌و هیچ بڕیارێك به‌بێ هه‌ماهه‌نگی له‌گه‌ڵ ئه‌نجوومه‌نی بازاڕه‌كه ناده‌ین .
هه‌روه‌ها فرسه‌ت سۆفی ،پارێزگاری هه‌ولێر گوتیشی: هه‌وڵده‌ده‌ین له‌زووترین كاتدا خه‌ڵكه‌كه ده‌ست به‌كارو كاسبی خۆی بكاته‌وه.
شایانی باسه كاتژمێر چوار و 45 خوله‌كی به‌ره‌به‌یانی دوێنێ هه‌ینی ،ئاگرێك له كۆڵانی ته‌ڕه‌فرۆشانی بازاڕی سیمی گه‌ڕه‌كی كوردستان له هه‌ولێر دروست بووه و دواتر ئاگره‌كه ته‌واوی بازاڕه‌كه‌ی گرتووه و زیاتر له 300 دوكان سووتان و بازاره‌ِكه‌ش نزیكه‌ی 600 دوكان له‌خۆ ده‌گرێت .
کۆمێنت (0)
تا ئێستا هیچ کۆمێنتێک نەکراوە.