ل دهۆکێ ب ریێا (کالترا) چاره‌سه‌ریا تووشبوویێن کۆرۆنایێ دهێته‌ کرن

سه‌رپه‌رشتێ چاره‌سه‌ركرنا نه‌خۆشێن كۆرۆنایێ ل پارێزگه‌ها دهۆكێ دیاركركو نوكه‌ ل پارێزگه‌ها دهۆكێ ب ریێا (( كالترا)) چاره‌سه‌ریا تووشبوویێن كۆرۆنایێ دهێته‌ كرن.

د. موئه‌یه‌د ئه‌غالى، سه‌رپه‌رشتێ چاره‌سه‌ركرنا نه‌خۆشێن كۆرۆنایێ ل پارێزگه‌ها دهۆكێ ب مالپەرێ نوش نیوز راگەھاند: ئه‌ڤ چاره‌سه‌رێ ئێك ده‌مێ دا پێدڤیه‌ بهێته‌ دان بۆ كه‌سێ تووشبووى هه‌كه‌ هه‌شتى سپێدى نه‌خۆش چاره‌سه‌رێ وه‌ربگریت پێدڤیه‌ هه‌شتێ شه‌ڤ ژى وه‌ربگریت ئانكو وه‌خت زۆر یێ گرنگه‌ بۆ بكارئینانا حه‌بكا كالترا و نابیت بیێ نۆژدارى ئه‌ڤ بهێته‌ بكارئێنان چونكو سه‌ربارگێن خوه‌ یێن خراب هه‌نه‌ نها هه‌كه‌ ته‌ماشه‌ بكه‌ین كا بۆچى گه‌له‌ك نه‌خۆش گیانى خوه‌ ژده‌ست ده‌ن ئێك ژ ئه‌گه‌ران ئه‌وه‌ ده‌رمانێ چاره‌سه‌رێ ئێك وه‌ختێ دا بۆ نه‌خۆشى ناهێته‌ دان نوكه‌ ل پارێزگه‌ها دهۆكێ چاڤدیریه‌كا زۆر باش بۆ نه‌خۆشى دهێته‌ كرن.

هه‌روه‌سا ژى ئه‌و ده‌رمان و حه‌بێن دهێنه‌ بكارئینان ژى ئێك ده‌مێ دا بۆ نه‌خۆشى دهێنه‌ دان هه‌كه‌ سپێدى بیت و ده‌مژمێر هه‌شتى یان نه‌هێ سپێدى بیت ل ئێڤارى ژى پێدڤیه‌ هه‌شتَى یان نه‌هێ ئێڤارى نه‌خۆش بخۆت ئه‌ڤه‌ گه‌له‌ك یا گرنگه‌.

ناڤهاتى ئه‌وژى دیاركركو بۆ هه‌موو تووشبوویێن كۆرۆنایێ ژى ئه‌ڤ ده‌رمان ناهێته‌ بكارئینان چونكو ده‌رمانان گه‌له‌ك سه‌ربارگێن خراب هه‌نه‌ ئه‌م گه‌له‌ك چاڤدێریا نه‌خۆشێن خوه‌ یێ كۆرۆنایێ دكه‌ین هه‌كه‌ پێدڤى ئوكسجینى بیت ئه‌م بكاردئینن وهه‌كه‌ پیدڤى ده‌رمان بیت ئه‌م بكاردئێنن ئه‌ڤه‌ ژى دووڤ حاله‌تێ نه‌خۆشى دمینت بۆ ده‌مێ 24 ده‌مژمێران ئه‌م چاڤدێریا تووشبوویێن كۆرۆنایێ ل دهۆكێ دكه‌ین نوكه‌ ل دهۆكێ ئه‌م تووشبوویێن كۆرۆنایێ لسه‌ر چار جۆران به‌لاڤ دكه‌ین ئه‌وژى سڤیل وناڤنجى و دژوار و مه‌ترسیدار حاله‌تیێن دژوار و مه‌ترسیدار عیلاجا كالترا بۆ وان دهێته‌ دان پرۆتوكوله‌ك دهێته‌ چێكرن بۆ هه‌موو تووشبوویێن كورۆنایێ ب وێ چه‌ندى ئه‌م به‌رده‌وام چاڤدیریا وان دكه‌ین .

زێده‌تر گۆت: رۆژانا ژى پشكنیننێن كۆرۆنایێ بۆ وان دهێنه‌ كرن هه‌روه‌سا ژى تیشك ژى دهێنه‌ گرتن ئه‌ڤه‌ ئه‌گه‌ر بوویه‌ پتریا تووشبوویێن كۆرۆناێ ل دهۆكێ چاره‌سه‌ر بن وهیچ كه‌سه‌ك گیانى خوه‌ ژ ده‌ست نه‌ دایه‌ ئه‌ڤه‌ هه‌موو بۆ چاڤدیریا توند یا نۆژداران بۆ نه‌خۆشان ڤه‌دگه‌ریت هه‌كه‌ چاڤدیرى هه‌بیت بیگومان مرنێ دى یا كیم بیت هه‌تا نوكه‌ دهۆكێ رێژا مرنێ سفره‌.

د. موئه‌یه‌د ئه‌غالى راگه‌هاند: مه‌ دڤیت ئوكسجینا تووشبوویان دسه‌ر 93ى را بیت ئه‌ڤه‌ ژى گه‌له‌ك یا گرنگه‌ نه‌خۆش دهێته‌ قورتالكرن ژ مرنێ هه‌كه‌ ژ 93ێ كیمتر بیت ئه‌م پشكنینى ژ ده‌مارێن خوینى بۆ وان چیدكه‌ن بۆ هندى كا پیدڤى چ هه‌یه‌ دێ بۆ نه‌خۆشى ئه‌نجام ده‌ن دڤێ پشكنینى دا دیاربیت كا نه‌خۆشى پێدڤى ئامیرێ هه‌ناسه‌دانا ده‌ستكرد هه‌یه‌ یان نه‌ ل دهۆكێ ئه‌ڤه‌ بۆ نه‌خۆشان دهێته‌ كرن.