له كۆنفرانسێكی ڕۆژنامه‌وانیدا ڕائید بارزان عوسمان، گوته‌بێژی پۆلیسی پارێزگای هه‌ڵه‌بجه له باره‌ی خۆكوشتنی هاووڵاتییه‌ك له ناوباخی گشتی هه‌ڵه‌بجه ڕایگه‌یاند: بڵاوبوونه‌وه‌ی نامه‌یه‌ك تۆڕه كۆمه‌ڵایه‌تییه‌كانی ته‌نیوه، به‌ڵام ئه‌و نامه‌یه په‌یوه‌ندی به كۆچكردووه وه نییه و به ناوی ئه‌وه‌وه بڵاوكراوه‌ته‌وه.
گوتیشی: ئه‌و هاووڵاتییه هه‌ژار نه‌بووه تا له‌به‌ر هه‌ژاری خۆی بكوژێت به‌ڵكو چوار مووچه‌ی هه‌بووه و كه سێ مووچه‌ی له‌سه‌ر میلاكی وه‌زاره‌تی شه‌هیدان بووه و مووچه‌یه‌كی تریشی له‌سه‌ر وه‌زاره‌تی كارو كارو باری كۆمه‌ڵایه‌تی بووه واته كاوه مووچه‌ی كه‌م ئه‌ندامی و مووچه‌ی زیندانیانی سیاسی و مووچه‌ی به‌ركه‌وتنی چه‌كی كیمیایی و مووچه‌ی وارسی شه‌هیدان كه هی دایكیه‌تی هه‌بووه و جیا له‌وه‌ش خانه‌واده‌كه‌ی له هه‌ڵه‌بجه‌دا ناسراون و خاوه‌نی گه‌راج و كه‌سایه‌تی تایبه‌تن.
گوتیشی: كاوه به‌ر له هه‌فته‌یه‌ك له خۆكوشتنی، هه‌وڵی خۆسووتاندنی داوه و گوتویه‌تی كه بىری منداڵه‌كانم ده‌كه‌م و بۆیه ناوبراو له‌سه‌ر كێشه‌ی خێزانی كۆتایی به ژیانی خۆی هێناوه نه‌ك له‌سه‌ر كێشه‌ی هه‌ژاری.
کۆمێنت (0)
تا ئێستا هیچ کۆمێنتێک نەکراوە.