له‌وانه‌یه زۆرێك له ئافره‌تان ،كه حه‌زده‌كه‌ن به‌به‌رده‌وامی زێر و خشڵ له‌به‌ر بكه‌ن ، به‌تایبه‌تی ئه‌نگوستیله و ئه‌ڵقه‌ی په‌نجه دركیان به‌وه كردبێت ، هه‌ندێك جار شوێنی زێره‌كه ره‌نگی پێست ده‌گۆردرێت بۆ ره‌نگی سه‌وز، هۆكاریش زۆرن ده‌بێ به چه‌ندین رێگاو شێواز خۆمانی لێ بپارێزین.
خشڵ و ره‌نگی سه‌وزی پێست
هۆكاری یه‌كه‌م بۆ گۆڕینی ره‌نگی پێست ، ده‌گه‌رێته‌وه بۆ جۆری دروستكردنی كه‌لوپه‌له‌كه ، له‌وانه‌یه هه‌رزانی هۆكارێك بێت ئه‌و كه‌له‌په‌لانه‌ی له ماده‌ی (مس ) دروست كراوه ببێته فاكته‌رێك بۆ گۆرینی ره‌نگی پێست،به تایبه‌تی ئه‌و پێسته‌ی كه ماده‌ی ترشلۆكی زۆره له ئه‌نجامدا ده‌بێته هۆكاری دروست بوونی ئاره‌قه كردن ، وای لێده‌كات پێست ماده مسه‌كه هه‌ڵمژێت.
لێره‌دا پسپۆران ده‌ڵێن: له‌گه‌ڵ له‌ده‌ست كردنی ئه‌نگوستیله وئه‌ڵقه‌ی په‌نجه ، به‌رزبوونه‌وه‌ی پله‌ی گه‌رما ئاره‌قه كردنی پێست ، له‌گه‌ڵ خۆی ماده‌یه‌كی خێیاوی ره‌نگی سه‌وز ده‌ر ده‌كات ، ئه‌مه‌ش ده‌بێته هۆكاری جۆره پێكهاته‌یه‌كی كیمایی له‌ناكاو ، بۆیه به‌یه‌كێك له هۆكاره سه‌ره‌كییه‌كان داده‌نرێت بۆ ئه‌وه‌ی ره‌نگی پێست بگۆردرێت بۆ ره‌نگی سه‌وز .
مه‌رج نیه ته‌نیا ،خشڵ كه له ماده‌ی مس ، دروست كرابێت ، ره‌نگی پێست بگۆرێت به‌ڵكو ماده‌ی زیوش هه‌مان ئه‌نجامی هه‌یه به‌هه‌مان هۆكاریش ره‌نگی پێست ده‌گۆردرێت ،ئه‌و خشڵه‌ی له زێریش دروست كراوه ، هه‌مان كاریگه‌ری هه‌یه ،چونكه وه‌كو زانراوه ، زێر به‌هۆی كانزاكانی تر ،به‌هێز ده‌بێت له‌وانه‌ش ماده‌ی مس.
چۆنیه‌تی چاره‌سه‌ری كێشه‌كه ده‌كرێت
پێویست ناكات واز له خشڵ و زێر بهێنیت ، ده‌توانیت به به‌رده‌وامی له ده‌ستت بكه‌یت و ده‌توانیش كۆنترۆڵی كێشه‌ی گۆرینی پێستت بكه‌یت له‌رێگه‌ی گرنگی دان، به شوشتنی و پاكردنه‌وه‌ی خشڵ وزێر هه‌فتانه ، بۆ ئه‌وه‌ی ره‌نگه‌كان نه‌گوازێته‌وه بۆ سه‌ر پێست.
تاده‌كرێت له تیشكی به‌هێزی رۆژ دوور بكه‌وه‌وه ، له كاتی له‌به‌ركردنی خشڵ و زێر جه‌سته‌ت زۆر ماندوو نه‌كه‌یت ، بۆ ئه‌وه‌ی ئاره‌قه نه‌كه‌یت ، چونكه ده‌بێته هۆكاری گۆڕینی ره‌نگی پێست هه‌روه‌كو پێشتر ئاماژه‌مان پێدا.
له كۆتاییدا،پسپۆران وا به‌باش ده‌زانن كه له كاتی به‌رده‌وام بوونی كێشه‌كه،ده‌بێ جۆری خشڵ وزێره‌كه بگۆردرێت ، واته ئه‌نگوستیله و ئه‌ڵقه‌ی په‌نجه كه له ماده‌ی پۆلاین دروست كراون، له ده‌ستت بكه‌یت ، ده‌تواندرێت خۆراگر بێت پێست له گۆڕینی ره‌نگ بپارێزێت .
وه‌رگێران ودارشتنه‌وه‌ی : كامران
ژێده‌ر : msn
کۆمێنت (0)
تا ئێستا هیچ کۆمێنتێک نەکراوە.