دوو ته‌قینه‌وه‌ی به‌هێز سه‌ربازگه‌ی سپایکه‌ری هه‌ژاند

دوای ئه‌وه‌ی دوێنێ چه‌ند مووشه‌كێك ئاراسته‌ی بنكه‌ی سه‌ربازی تاجی كران، دوو ته‌قینه‌وه‌ی دیكه‌ی به‌هێز سه‌ربازگه‌ی سپایكه‌ری هه‌ژاند.

له‌باره‌ی ته‌قینه‌وه‌كه‌وه‌ شانه‌ی راگه‌یاندنی ئاسایشی عێراق له‌ راگه‌یه‌نراوێكدا ده‌ڵێت: رووداوه‌كه‌ له‌كاتژمێر 11:30 خوله‌كی شه‌و روویداوه‌و هیچ زیانێكی گیانی به‌دواوه‌ نه‌بووه‌.

راگه‌یه‌نراوه‌كه‌ی شانه‌ی راگه‌یاندنی ئاسایشی عێراق ده‌شڵێت: دوو ته‌قینه‌وه‌ له‌ بنكه‌ی سه‌ربازی شه‌هید ماجد ته‌میمی ئاسمانی له‌ پارێزگای سه‌ڵاحه‌دین روویداوه‌و تیمه‌كانی به‌رگری شارستانی توانیویانه‌ به‌بێ زیانی گیانی ،ئاگری ته‌قینه‌وه‌كان كۆنتڕۆڵ بكه‌ن.

شایانی باسه‌ بنكه‌ی سه‌ربازی سپایكه‌رهێزه‌كانی ئه‌مریكاو عێراق له‌خۆ ده‌گرێت.

وه‌رگێڕان و داڕشتنه‌وه‌ی / رزگار