ئه‌مڕۆ سێشه‌ممه 28ی7ی2020 له درێژه‌ی كۆبوونه‌وه‌ی په‌رله‌مانی كوردستان، وه‌زیری دارایی و ئابووری حكومه‌تی هه‌رێمی كوردستان له ته‌لاری په‌رله‌مان ئاماده ده‌بێت و دۆخی دارایی هه‌رێمی كوردستان تاوتوێ ده‌كرێت.
به‌پێی كار و كارنامه‌ی په‌رله‌مانی كوردستان خوێندنه‌وه بۆ ڕاپۆرتی دارایی و كاروباری ئابووری سه‌باره‌ت به دۆخی ئابووری و دارایی هه‌رێمی كوردستان ده‌كرێت، هه‌روه‌ها خوێندنه‌وه‌ی دووه‌م بۆ پێشنیازە یاسای ماف و ئه‌ركی نه‌خۆش له‌هه‌رێمی كوردستان ده‌كرێت.
له‌باره‌ی به‌ڕێوه‌چوونی كۆبوونه‌وه‌كه‌ش په‌یامنێری كوردستان تیڤی پێی له په‌رله‌مانی كوردستان پێیڕاگه‌یاندین: وه‌زیری دارایی و ئابووری و وه‌زیری پلاندانان و وه‌زیری هه‌رێم بۆ كاروباری دانوستاندن له‌نێوان هه‌رێم و به‌غدا و سه‌رۆكی دیوانی ئه‌نجوومه‌نی وه‌زیران و سكرتێری ئه‌نجوومه‌نی وه‌زیران له حكومه‌تی هه‌رێمی كوردستان ئامادەی کۆبوونەوەکە دەبن.
کۆمێنت (0)
تا ئێستا هیچ کۆمێنتێک نەکراوە.