ماجد مه‌هدی حه‌نتوش، وه‌زیری كاره‌با له‌حكومه‌تی عێراق رایگه‌یاند: له دوو رۆژی داهاتوودا ده‌ست ده‌كه‌ین به هاورده‌كردنی ووزه له هه‌رێمی كوردستان و توركیا.
حه‌نتوش له‌میانه‌ی لێدوانێكیدا به ئاماده‌بوونی په‌رله‌مانتار عه‌دنان زه‌ره‌فی و لوئه‌ی یاسری،پارێزگای نه‌جه‌ف رایگه‌یاند: عێراق له رۆژانی هاویندا كێشه‌ی كه‌می كاره‌بای هه‌یه.
هه‌روه‌ها گوتی: وه‌زاره‌تی كاره‌با هه‌ڵده‌ستێ به هاورده‌كردنی 450 میگاوات كاره‌با له هه‌رێمی كوردستان و 200 میگاواتیش له توركیا،كه ئه‌مه‌ش ده‌بێته هۆی زیادبوونی ماوه‌ی پێدانی كاره‌با له پارێزگاكانی فوراتی ناوه‌ڕاست.
گوتیشی: كێشه‌ی كه‌می كاره‌با له‌عێراق له‌دوومانگی هاوین ده‌ست پێده‌كات،بۆیه له‌م دوو رۆژه‌دا كارده‌كه‌ین كه كاره‌با له‌هه‌رێمی كوردستان و توركیا هاورده بكه‌ین.
شایانی باسه چه‌ند رۆژێكه به‌هۆی نه‌بوونی كاره‌بای نیشتمانییه‌وه، له‌چه‌ند پارێزگایه‌كی عيَراق خۆپیشاندان به‌رێوه‌ده‌چێت .
وه‌رگێڕان و داڕشتنه‌وه‌ی / رزگار
ژێده‌ر / به‌غداد ئه‌لیۆم
کۆمێنت (0)
تا ئێستا هیچ کۆمێنتێک نەکراوە.