به‌هۆی بڵاوبوونه‌وه‌ی په‌تای ڤایرۆسی كۆرۆنای نوێ و رێوشوێنه‌كانی به‌رگرتن له بڵاوبوونه‌وه‌ی و ئه‌نجام نه‌دانی فه‌ریزه‌ی حه‌ج، سستی به بازاڕه‌كه‌وه دیاره و كاسبكارانی بازاڕه‌كه‌ش گله‌یی ده‌كه‌ن له زۆری ئاژه‌ڵی هاورده‌كراو.
كاسبكارانی بازاڕی ئاژه‌ڵان له شاری هه‌ولێر ماوه‌یه‌كی زۆر ئاژه‌ڵه‌كانیان بۆ ئه‌م كاتانه‌ی ساڵ ئاماده ده‌كه‌ن و ھه‌فته‌یه‌ك به‌ر له جه‌ژنی قوربان به ده‌رفه‌ت ده‌زانن بۆ فرۆشتنی ئاژه‌ڵه‌كانیان، به‌ڵام كاسبكارێكی بازاڕه‌كه ده‌ڵێت: ئه‌مساڵ به‌هۆی قه‌یرانی دارایی و هاورده‌كردنی ئاژه‌ڵ له چه‌ندین وڵاته‌وه، بازاڕ خراپه ،هه‌روه‌ها ئاژه‌ڵی سووری-ش بازاڕی هه‌مووانی تێكداوه، به جۆرێك رۆژانه سه‌دان ئاژه‌ڵی سووری ده‌هێندرێته مه‌یدانه‌كه‌وه.
هاوكاتیش هه‌ندێك كاسبكار ده‌ڵێن: ئه‌گه‌ر ئاژه‌ڵی هاورده‌كراو نه‌بێ ،ئه‌وا نرخی ئاژه‌ڵی خۆماڵی زۆر به‌رز ده‌بێته‌وه.
كاسبكارێكی دیكه‌ش ده‌ڵێت: خه‌ڵك تا ئیستا نه‌هاتووه بۆ قوربانیكردن، بێگومان ساڵانه له‌م كاته‌دا خه‌ڵك زۆرتر ده‌هاتن.
کۆمێنت (0)
تا ئێستا هیچ کۆمێنتێک نەکراوە.