دەروازەی نێودەوڵەتی حاجی ئۆمەران چەند ڕێنماییەکی بۆ گەشتیاران بڵاوکرده‌وه‌

كۆمەڵگای دەروازەی نێودەوڵەتی حاجی ئۆمەران چەند ڕێنماییەك بۆ هاتووچۆی گەشتیاران بۆ كۆماری ئیسلامی ئێران بڵاودەكاتەوە و رایگه‌یاند: دەبێت پێشتر ڕەزامەندی وەزارەتی ناوخۆی وەرگرتبێت و ڤیزەی هەبێت و پشكنینی كۆرۆنا له‌سه‌ر ئه‌ركی خۆیان بۆ ئه‌نجام ده‌درێت.

ڕێنماییه‌كانی هاتووچوونی گه‌شتیاران:

یه‌كه‌م: سه‌باره‌ت به‌گه‌شتكردنی هاووڵاتیانی هه‌رێمی كوردستان بۆ ئێران:
1_ پێویسته‌ پێش وه‌خته‌ ڕه‌زامه‌ندی وه‌زاره‌تی ناوخۆ وه‌ربگیرێت.
2_ پێویسته‌ ڤیزای ئێرانی هه‌بێت.
دووه‌م: سه‌باره‌ت به‌ گه‌ڕانه‌وه‌ی هاووڵاتیانی هه‌رێمی كوردستان كه‌ له‌ ئێران بۆ داخل بوونی هه‌رێمی كوردستان:
1_ هه‌موو ڕۆژی ده‌توانن بێنه‌ ده‌روازه‌ی حاجی ئۆمه‌ران له‌ كاتژمێر (8)ی به‌یانی تاكو (5)ی ئێواره‌.
2_  پشكنینی كۆرۆنا له‌سه‌ر ئه‌ركی خۆیان بۆ ئه‌نجام ده‌درێت.
3_ به‌ڵێن نامه‌ لێیان وه‌رده‌گیرێت كه‌ بۆ ماوه‌ی (14) ڕۆژ له‌ ماڵی خۆیانت گه‌ره‌نتین بكه‌ن به‌پێچه‌وانه‌وه‌ رێكاری یاسایی له‌به‌رامبه‌ریان ده‌گیرێته‌به‌ر.
سێیه‌م: سه‌باره‌ت به‌ چوونی هاووڵاتیانی ئێرانی كه‌ له‌ كوردستان بۆ وه‌ڵاتی خۆیان له‌ ئێران:
1_ ئه‌گه‌ر كارتی ئاكنجی بوونی هه‌رێمی كوردستانیان هه‌بێت و ماوه‌ی به‌سه‌ر نه‌چووبێت یه‌كسه‌ر ده‌توانن بێنه‌ سنور و ڕێگایان پێ ده‌درێت بگه‌ڕێنه‌وه ‌ئێران.
2_ ئه‌گه‌ر كارتی ئاكنجی بوونیان نه‌بێت یان ماوه‌ی به‌سه‌ر چووبێت پێویسته‌ سه‌ردانی بنكه‌ی ئاكنجی بوونی پارێزگایه‌ك بكات و مۆری ده‌رچوون لێبدات ئینجا سه‌ردانی سنور بكاتن بۆ چوونی ئێران.
چواره‌م: سه‌باره‌ت به‌هاتنی هاووڵاتیانی ئێرانی و بیانی بۆ هه‌رێمی كوردستان:
1_ پێویسته‌ ڕه‌زامه‌ندی وه‌زاره‌تی ناوخۆ وه‌ربگیرێت.
2_ پێویسته‌ بڕوانامه‌ی پشكنینی كۆرۆنای هه‌بێت و ماوه‌ی به‌سه‌رچوونه‌كه‌ی له‌ (48) كاتژمێر تێپه‌ڕ نه‌بوبێت.
3_ دووباره‌ پشكنین كۆرۆنا له‌ كوردستان له‌سه‌ر ئه‌ركی خۆیان بۆیان ئه‌نجام ده‌درێت.
4_ به‌لێن نامه‌ لێیان وه‌رده‌گیرێت كه‌ بۆماوه‌ی (14) ڕۆژ له‌ ماڵی خۆیان یان هۆتێل له‌سه‌ر ئه‌ركی خۆیان گه‌ره‌نتین بكه‌ن به‌پێچه‌وانه‌وه‌ رێكاری یاسایی به‌رامبه‌ریان ده‌گیرێته‌به‌ر.