بوومه‌له‌رزه‌یه‌ک له‌ شارۆچکه‌ی که‌لار روویدا

به‌رێوه‌به‌رایه‌تی گشتی كه‌شناسی و بوومه‌له‌رزه‌زانی هه‌رێمی كوردستان‏ رایگه‌یاند: ئه‌مرۆ 01-08-2020 دوو بوومه‌له‌رزه‌ به‌دووری 30 كلیۆمه‌تر له‌خانه‌قین و 39 كلیۆمه‌تر له‌كفری، به‌قوڵایی 10 كم روویداوه‌و وهاووڵاتیان هه‌ستیان پێكردووه‌ سوپاس بۆ خودا هیچ زیانێكى نه‌بووه‌.

هه‌روه‌ها به‌رێوه‌به‌رایه‌تی گشتی كه‌شناسی و بوومه‌له‌رزه‌زانی هه‌رێمی كوردستان‏ ده‌ڵێت: چه‌قی بوومه‌له‌رزه‌كه‌ له‌كرمانشان بووه‌.

له‌لایه‌كی دیكه‌وه‌ ده‌سته‌ی گشتی له‌كه‌شناسی و بوومه‌له‌رزه‌زانی عێراق ئه‌مڕۆ شه‌ممه‌ بوومه‌له‌رزه‌یه‌كی به‌ گوڕی 3،7 پله‌ له‌ شارۆچكه‌ی كه‌لار له‌ پارێزگای سلێمانی تۆمار كردووه‌.

ده‌سته‌كه‌ له‌ راپۆرتێكیدا گوتی: گوڕی بوومه‌له‌رزه‌كه‌ گه‌یشتۆته‌ 3،7 پله‌ به‌ پێوه‌ری ریخته‌رو هاووڵاتیان هه‌ستیان پێ كردووه‌.

هه‌روه‌ها ده‌سته‌كه‌ داوای له‌ هاووڵاتیان كردووه‌ ،هوشیار بن و له‌ده‌نگۆو هه‌واڵی ناڕاست دووربكه‌ونه‌وه‌و پابه‌ند بن به‌و رێنماییانه‌ی كه‌ له‌ ده‌سته‌ی  گشتی كه‌شناسی و بووله‌رزه‌زانی بڵاوده‌كرێنه‌وه‌.

وه‌رگێڕان و داڕشتنه‌وه‌ی/ رزگار