به‌رێز نێچیرڤان بارزانى سه‌رۆكی هه‌رێمی كوردستان، جه‌ژنی چله‌ی هاوینی له خوشك و برایانی ئێزدیی پیرۆز كرد، و رایگه‌یاند: به‌م بۆنه‌یه‌وه هیوادارم هه‌موو خوشك و برایانی ئێزدیی ئاواره بگه‌ڕێنه‌وه سه‌ر زێدی خۆیان، ئه‌مه ده‌قه‌كه‌یه‌تی:
په‌یاما سه‌رۆكێ هه‌رێما كوردستانێ بۆ جه‌ژنا چلێ هاڤێنێ یا ئێزدییان
جه‌ژنا چلێ هاڤینێ یا خوشك و برایێن ئێزدى ل هه‌مى ئێزدییان ل كوردستانێ و ل هه‌ر ده‌ره‌كا جیهانێ بن، بتایبه‌تى ژى جه‌ژنا ئێزدى یێن كو هه‌تا نهۆ ژى ژیانا خۆ د كه‌مپێن ئاواره‌ییێدا ده‌رباز دكه‌ن، ب گه‌رمى پیرۆز دكه‌م. هیڤیدارم جه‌ژن بۆ ئێزدییان و هه‌مى كوردستانێ ب خێر و شاهى ڤه‌گه‌ڕیت و ئه‌م هه‌مى جه‌ژن و بیرهاتنێن خۆ یێن بهێن، د ڕه‌وشه‌كا باشتردا بگێڕین.
هه‌ر ب ڤێ هه‌لكه‌فتنێ جاره‌كا ب ڕێز و شكۆدارى هه‌مى خوشك و برایێن مه یێن ئێزدى یێن قوربانى یێن ده‌ستێ تیرۆرێ ببیر تینین، سلاڤ و دروودان بۆ گیانێ وان دهنێرین، مالبات و كه‌سوكارێن هه‌مى ڕه‌ڤاندییان ژى پشتڕاست دكه‌ین كو هندى خوشك و برایه‌كێ مه یێ ئێزدى وندا مابێت، دێ لسه‌ر هه‌ولا ڤه‌دیتن و ڤه‌گه‌ڕانا وان و خویابوونا چاره‌نڤیسێ وان به‌رده‌وام بین.
جه‌ژنه‌كا ئارام بۆ هه‌مى ئێزدییان دخوازم، ب هیڤیا كو جه‌ژنێن بهێن هه‌مى ئێزدییێن ئاواره ڤه‌گه‌ڕیابنه سه‌ر مال و جهێن خۆ یێن ئاڤه‌دانكرى. دیسا جه‌ژنا هه‌میان پیرۆز بیت، هه‌ر سال ب خێر و خۆشى.
نێچیرڤان بارزانى
سه‌رۆكێ هه‌رێما كوردستانێ
2/8/2020
کۆمێنت (0)
تا ئێستا هیچ کۆمێنتێک نەکراوە.