وه‌زاره‌تی ته‌ندروستی رایگه‌یاند: له‌سه‌رتای په‌یدابوونی ڤایرۆسی كۆرۆنا تاوه‌كو ئه‌مرۆ 14816 كه‌س تووشی كۆرۆنا بوونه.
ئه‌مشه‌و وه‌زاره‌تی ته‌ندروستی حكوومه‌تی هه‌رێمی كوردستان، ئاماری 24 کاتژمێری رابردووی كۆرۆنای بڵاوكرده‌وه، رایگه‌یاند: له‌سه‌رتای په‌یدابوونی ڤایرۆسی كۆرۆنا تاوه‌كو ئه‌مرۆ دووشه‌ممه 2020-8-3 كۆی گشتی تووشبووان بە كۆرۆنا له هه‌رێمی كوردستان گەیشتووەتە 14816 تووشبوو.
وه‌زاره‌تی ته‌ندروستی ئاشكراشیكردووە، له‌م ماوه‌یه‌دا 9413 تووشبوو چاكبوونه‌ته‌وه، هه‌ر له به‌یاننامه‌كه‌ی وه‌زاره‌تی ته‌ندروستی هاتووه، 574 تووشبووه‌ش گیانیان له ده‌ستداوه.
وه‌زاره‌تی ته‌ندروستی جارێکی تر داوا له هاووڵاتیان ده‌كات پابه‌ندی رێنماییه تەندروستیان بن و ده‌ڵێت: دوورکەوتنەوە لە شوێنی قەڵەبالغ، دووپات ده‌كاته‌وه دانانی ماسك و دەستکێش زۆر پێویسته.
له‌م باره‌یه‌وه وه‌زاره‌تی ناوخۆی حكوومه‌تی هه‌رێم چه‌ند بڕیارێكی ده‌ركرد، به‌مه‌به‌ستی خۆپارێزی بۆ رووبه‌رووبوونه‌وه‌ی ڤایرۆسی كۆرۆنا.
کۆمێنت (0)
تا ئێستا هیچ کۆمێنتێک نەکراوە.