- خولی پاڵەوانێتی ئیتاڵی بۆ ساڵی ٢٠١٩-٢٠٢٠ لە هەفتەی ٣٨دا کۆتایی هات.
خولی پاڵەوانێتی ئیتاڵی ناسراو بە "Serie A" بە ئەنجامدانی ٥ یاری و لە هەفتەی ٣٨دا کۆتایی هات.
یانەی سپاڵ کە پێشتر ئەوە یەکلایی بووبووەوە دەکرێتە دەرەوەی پاڵەوانێتییەکە بە بە ئەنجامی ٣-١ بەرامبەر یانەی فیۆرێنتینا شکستی هێنا.
بەم جۆرە یانەی فیۆرێنتینا ژمارەی خاڵەکانی بۆ ٤٩ خاڵ بەرزبووەوە و گەیشتە ریزبەندی دەیەمی پاڵەوانێتییەکە.
یاری نێوان هەردوو یانەیە بۆلۆگنا و تۆرینۆ کە لە ناوەڕاستی لیستی یانەکانی پاڵەوانێتییەکەدان بە ئەنجامی ١-١ کۆتاییهات.
بەم شێوەیە بۆلۆگنا ژمارەی خاڵەکانی گەیاندە ٤٧ خاڵ و لە ریزبەندی ١٢ و یانەی تۆرینۆ بە ٤٠ خاڵ لە ریزبەندی ١٦ی لیستەکەدا بوون.
لە لایەکی دیکەشەوە یانەی جێنەوا کە ململانێی مانەوەی لە پاڵەوانێتییەکەدا دەکرد بە ئەنجامی ٣-٠ لە یانەی ڤێرۆنا-ی بردەوە و ژمارەی خاڵەکانی گەیاندە ٣٩ خاڵ، بۆ ریزبەندی ١٧ی لیستەکە سەرکەوت و توانی لە پاڵەوانێتی تۆپی پێی ئیتاڵیا بمێنێتەوە.
هەروەها یانەی لێچە کە هەوڵی مانەوەی لە پاڵەوانێتییەکە دەدا بە ئەنجامی ٤-٣ بەرامبەر یانەی پارما شکستیهێنا و بە ٣٥ خاڵ لە ریزبەندی ١٨دا مایەوە بەمشێوەیە لە دوای یانەکانی سپاڵ و برێشیا بووە سێیەم یانە کە ماڵئاوایی لە خولی پاڵەوانێتی ئیتاڵیا کرد.
کۆمێنت (0)
تا ئێستا هیچ کۆمێنتێک نەکراوە.