هێمن هه‌ورامی جێگری سەرۆکی پەرلەمانی کوردستان رایده‌گه‌ێنێت خواستی هەولێر ئەوەیە سەرجەم کێشەکانی لەگەڵ حکومەتی فیدڕاڵی عێراق لەرێگەی دەستورەوە چارەسەربکات
ده‌شڵێت پەرلەمانی کوردستان پشتیوانی لە جێبەجێکردنی کارنامەی کابینەی نۆیەم و ئەنجامدانی چاکسازی دەکات.
ئەمڕۆ پێنجشەممە هێمن هەورامی جێگری سەرۆکی پەرلەمانی کوردستان پێشوازی لە چاندرامولی کۆمار، کونسوڵی گشتی هیندستان لە هەرێمی کوردستان کردوە و بە پێی راگەیەندراوی پەرلەمان له‌دیداره‌كه‌دا باس لەدوا پێشهاتە سیاسی، ئابوری و لێکەوتە نەرێنییەکانی ڤایرۆسی کۆڕۆن لەسەر هەرێمی کوردستان و عێراق و ناوچەکە کراوە.
له دیدارەکەدا هێمن هه‌ورامی جێگری سەرۆکی پەرلەمان رایگه‌یاندووه كه خوازییارن بە پێی دەستووری عێراق سەرجەم کێشەکانی نێوان هەولێر و بەغدا چارەسەر بکرێن وبگەنە رێکەوتنێکی کۆتایی، لەناوخۆی هەرێمی کوردستانیشدا وەک پەرلەمان هاوکار و هەماهەنگ دەبن لە پێناو سەرخستنی کارنامەی کابینەی نوێی حکومەتی هەرێمی کوردستان.
جێگری سەرۆکی پەرلەمانی کوردستان باسی لەکاری پەرلەمانی ولایەنی یاسادانان و پێکهاتەکانی پەرلەمانی کوردستان و چۆنیەتی راییکردنی کارەکان کردوەو هیوای خواستوە کە پەیوەندییەکانیان لەگەڵ وڵاتی هیندستان لەسەر ئاستی کاری پەرلەمانی بەرەوپێش بچێت و سود لە ئەزمونەکانی یەکتر وەربگرن.
کۆمێنت (0)
تا ئێستا هیچ کۆمێنتێک نەکراوە.