باشترین خۆراک بۆ پاککردنه‌وه‌ی گورچیله‌کان

بێگومان پێکهاتووی به‌رده‌که‌ جۆری پارێزی خۆراک و شێوازی چاره‌سه‌ری دیاری ده‌کات ، به‌ڵام کۆمه‌ڵێک گژوگیا له‌ ڕووی زانستیه‌وه‌ یارمه‌تی نه‌هێشتن و فڕێدانی به‌ردی گورچیله‌ ئه‌ده‌ن به‌ڵام زۆر گرنگه‌ نه‌خۆش پێش به‌کارهێنانیان سه‌ردانی پزیشکی پسپۆڕ بکات تا دڵنیا بێت که‌ پێویستی به‌ نه‌شته‌رگه‌ری یان توانه‌وه‌ی به‌رده‌که‌ نیه‌ به‌ له‌یزه‌ر و هه‌روه‌ها ئاستی کارکردنی گورچیله‌کان و دیاری کردنی هۆکاری دروست بوونی به‌رده‌که‌.

باشترین جۆره‌کانی خۆراك و گژوگیا بۆ به‌ردی گورچیله‌ :

 1-گیراوه‌ی لیمۆ و زه‌یتی زه‌یتوون :
چوار که‌وچکی چێشت زه‌یتی زه‌یتوون له‌گه‌ڵ چوار که‌وچکی چێشت شه‌ربه‌تی لێمۆی فرێش تێکه‌ڵاو بکه‌ و بیخۆره‌وه‌ ؛ دواتر چه‌ند په‌رداخێک ئاو بخۆره‌وه‌ ؛ له‌ ڕۆژێک دا چه‌ند جارێک دووباره‌ی بکه‌ره‌وه‌.

2-سرکه‌ی سێو :
دوو که‌وچکی چێشت سرکه‌ی سێو له‌گه‌ڵ یه‌ک که‌وچکی چێشت هه‌نگوینی ئه‌سڵی تێکه‌ڵاو بکه‌ و بیخۆره‌وه‌ و له‌ ڕۆژێک دا چه‌ند جارێک دووباره‌ی بکه‌ره‌وه.

3-شه‌ربه‌تی هه‌ناری فرێش :
له‌ ڕۆژێک دا چه‌ند په‌رداخێکی لێ بخۆره‌وه‌ یان ناوکی ده‌نکه‌ هه‌نار بکووته‌وه‌ و به‌ هاڕاوه‌یی ڕۆژی چه‌ند جارێک یه‌ک بۆ دوو که‌وچکی چێشتی لێ بخۆ.

4-نه‌عنا :
چه‌ند چڵێک نه‌عنای سه‌وز یان وشکراو له‌گه‌ڵ یه‌ک که‌وچکی چێشت هه‌نگوینی ئه‌سڵی له‌ ناو یه‌ک کووپ ئاوی گه‌رم پاش پێنج خوله‌ک بیخۆره‌وه‌ ؛ ڕۆژانه‌ ( ٥ ـــ٦ جار ) ؛ یان نه‌عنای سه‌وز چه‌ند جارێک له‌ نێوان ژه‌مه‌کان بیخۆ.

5-قه‌یته‌ران :
چه‌ند چڵێک : قه‌یته‌رانی سه‌وز یان وشکراو له‌ ناو یه‌ک کووپ ئاوی گه‌رم پاش پێنج خوله‌ک بیخۆره‌وه‌ ؛ ڕۆژانه‌ ( ٥ ـــ٦ جار ) ؛ یان قه‌یته‌رانی سه‌وز چه‌ند جارێک له‌ نێوان ژه‌مه‌کان بیخۆ.

6-که‌ره‌وز :
ــــ چه‌ند جارێک له‌ نێوان ژه‌مه‌کان بیخۆ ڕۆژانه‌ یان بیده‌ له‌ عه‌ساره‌ و بێ پاڵاوتن بیخۆره‌وه‌.

7-شووتی :
ــــ چه‌ند جارێک له‌ نێوان ژه‌مه‌کان بیخۆ ڕۆژانه‌ یان بیده‌ له‌ عه‌ساره‌ و بێ پاڵاوتن بیخۆره‌وه‌.

9-فاسۆلیا به‌ تایبه‌ت فاسۆلیای ڕه‌ش :
ــــ فاسۆلیا به‌ کوڵاوی و بێ زه‌یت و ڕۆن.
ــــ فاسۆلیا دوای لێکردنه‌وه‌ی توێکڵه‌که‌ی بکوڵێنه‌ به‌ باشی و دواتر ئاوه‌که‌ی چه‌ند جارێک له‌ نێوان ژه‌مه‌کان بخۆره‌وه‌.

10ــــ گه‌ڵای که‌رته‌شی :
ــــ دوو که‌وچکی چێشت له‌ گه‌ڵای که‌رته‌شی وشکراو بخه‌ره‌ ناو یه‌ک کووپ ئاوی گه‌رم و پاش ( ۱۰ ) خوله‌ک بیخۆره‌وه‌ ؛ ڕۆژی ( ۲ ــ ۳ ) جار.

گرنگترین ڕێنمیاییه‌ پزیشکیه‌کان :

۱ــــ هه‌ندێک جۆری ئه‌م گژوگیایه‌ بۆ هه‌موو که‌سێک ناگونجێت به‌ تایبه‌تی ئه‌و که‌سانه‌ی نه‌خۆشی درێژ خایه‌نیان هه‌یه‌ وه‌ک نه‌خۆشی شه‌کره‌ و به‌رزی فشاری خوێن .

۲ــــ هه‌ندێک جۆری ئه‌م گژوگیایه‌ له‌گه‌ڵ کۆمه‌ڵێک ده‌رمان کارلێک ده‌که‌ن و زیانی هه‌یه‌ بۆ نه‌خۆش .

۳ــــ له‌ به‌ر ئه‌م دوو خاڵه‌ زۆر گرنگه‌ نه‌خۆش ڕاوێژ بکات له‌گه‌ڵ پزیشکه‌که‌ی.

٤ ــــ زۆر گرنگه‌ نه‌خۆش ئاگاداری ئه‌و خواردنانه‌ بێت که‌ ناهێڵن به‌ردی گورچیله‌ دروست بێت له‌گه‌ڵ ئه‌و خواردنانه‌ی یارمه‌تی دروست بوونی به‌ردی گورچیله‌ ده‌ده‌ن

دکتۆر کامه‌ران ڕسوڵ ژاژڵه‌یی
پسپۆڕی زانستی خۆراک