له‌راگه‌یاندراوێكدا وه‌زاره‌تی پێشمه‌رگه‌ی هه‌رێمی كوردستان بڵاوی كرده‌وه كه‌رۆژى یه‌كشه‌ممه 9 ى 8 ى 2020 ، شۆڕش ئیسماعیل وه‌زیری پێشمه‌رگه به‌یاوه‌ری فه‌ریق جه‌مال ئیمینكی سوپالاری پێشمه‌رگه میحوەری ٣ی قادر کەرەمی بەسەرکردەوە.
راشیده‌گه‌یه‌نن ، دواتر لەلایەن وەزیری پێشمەرگه فەرماندەی لیواکانی سەر بەمیحوەری ٣ بەسەرکرایەوەو لەنزیکەوە لەپێویستی و کەموکوڕییەکانی کۆڵییەوەو، ستایشی قارەمانێتی و ئازایەتی ئەو هێزانەی کرد، که رۆڵی گەورەیان بینیوە لەراوەدوونان و نەهێشتنی تیرۆریستان لەناوچەکەدا
وه‌زاره‌تى پێشمه‌رگه راشیده‌گه‌ێنێت كه وه‌زیری پێشمه‌رگه داواشی کرد زیاتر پابەندی بنەماو دیسپلینە سەربازییەکان بن و لەرێگەی وەزارەتی پێشمەرگەو حکومەتی هەرێمەوە هەوڵی باشکردنی دۆخ و گوزەران و چارەسەرکردنی کێشەکانیان دەکەین.
ئاماژه به‌وه‌ش ده‌كه‌ن كه لەدیداری فەرماندەی لیواکاندا شۆرش ئیسماعیل وەزیری پێشمەرگە ووتی: ئەرکی هەمووان سەختەو بە لەبەرچاوگرتنی دۆخەکە هەوڵەکانمان بۆ چاکسازی و باشکردنی ژیانی پێشمەرگەو خۆڕێکخستنەوە بەردەوام دەبێت.
هه‌روه‌ها رایگه‌یاند: خەونی میللەتەکەمانە ، لەئایندەدا کورد ببێتە خاوەن هێزێکی بەتواناو تۆکمەی نیشتمانیی کە بتوانێت ئایندەی نەوەکانمان و کوردستانەکەمان بپارێزێ.
دارشتنه‌وه‌ى هه‌واڵ - شوان عه‌زیز
ژێدەر
كوردستان TV
کۆمێنت (0)
تا ئێستا هیچ کۆمێنتێک نەکراوە.