له‌قه‌زای سۆران 18 پزیشك و كارمه‌ندی ته‌ندروستی له نه‌خۆشخانه‌ی ئاشتی تووشی ڤایرۆسی كۆرۆنا بون.
له راگه‌یه‌ندراوێكدا، به‌ڕێو‌ه‌به‌رایه‌تی نه‌خۆشخانه‌ی ئاشتی له سۆران بڵاوی كرده‌وه ته‌نیا له ماوه‌ی دوو هه‌فته‌دا 18 پزیشك و كارمه‌ندی ته‌ندروستی له نه‌خۆشخانه‌كه‌یان تووشی ڤایرۆسی كۆرۆنا بوون و داوای له هاووڵاتیان كرد، ئه‌گه‌ر پێویست نه‌بێت سه‌ردانی نه‌خۆشخانه نه‌كه‌ن.
هه‌روه‌ها راشیده‌گه‌یه‌نن ، بەهۆی بەرکەوتنیان لەگەڵ نەخۆشه‌كان، تەنیا لە ماوه‌ی دوو هەفتەدا 18 پزیشك و کارمەند لەبەشە جیاوازەکانی نەخۆشخانەی ئاشتی تووشی ڤایرۆسی کۆرۆنا بوون، بۆیە دەستەی کارگێڕی نەخۆشخانەی ئاشتی داوا لە نەخۆش و ئەو هاووڵاتییانە دەکات، کە سەردانی نەخۆشخانە دەکەن، ئەگەر زۆر پێویست نەبوو سەردان نەکەن.
هه‌ر له‌و راگه‌یاندراوه‌كه‌دا نه‌خۆشخانه‌ی ئاشتی له‌سۆران ئه‌م رێنماییانه ده‌داته هاووڵاتییان:
- تکایە سەردانی نەخۆش مەکەن لە نەخۆشخانە.
- تەنها یەك هاوەڵ لەگەڵ نەخۆش سەردانی پزیشك بکات بۆ پاراستنی گیانی خۆت و نەخۆش و هاووڵاتیان.
- پێویستە نەخۆش وهاوەڵی نەخۆش پابه‌ندی (ماسک + دەستکێش- دەستەوانە) بن، بەپێچەوانەوە رێگایان پێنادرێت بێنە ناو نەخۆشخانە.
- پێویستە هاووڵاتی (احالە) لەبنکەی تەندروستی بهێنێت بۆ بینینی پزیشکی پسپۆڕ لەبەشە راوێژکارییەکان. بەمەش بەریەكکەوتن و قەرەباڵغی و ئەگەری گواستنەوەی ئەم ڤایرۆسە کەم دەکرێتەوە.
کۆمێنت (0)
تا ئێستا هیچ کۆمێنتێک نەکراوە.