سەرۆک وەزیران و وەزیرەکانی لوبنان ده‌ستیان له‌کارکێشایه‌وه‌

ئه‌مرۆ دووشه‌ممه‌ حكوومەتی لوبنان هەڵوەشایەوە، وا چاوەڕوان دەکرێت سەرۆکوەزیران گوتارێک پێشکەش بکات.

كەمێك پێش ئێستا كه‌ناڵه‌كانی راگه‌یاندنی لوبنان بڵاویانكرده‌وه‌، حکومەتی لوبنان بە سەرۆکایەتیی حەسەن دیاب دەستی لەکارکێشایەوە و وا چاوەڕوان دەکرێت سەرۆکوەزیرانی لوبنان ئێوارەی ئەمڕۆ گوتارێک پێشکەش بکات.

ئاماژه‌ به‌وه‌شكراوه‌ کەمێک بەرلەئێستا کۆبوونەوەی ئەنجومەنی وەزیران کۆتایی هاتووە و پاش کەمێکی دیکە حسان دیاب سەرۆک وەزیرانی لوبنان دەستلەکارێکێشانەوەی خۆی و حکومەتەکەی رادەگەیەنێت.

شایه‌نی باسه‌ رۆژی سێشه‌ممه‌ 4ی ئابی 2020، دوو ته‌قینه‌وه‌ی گه‌وره‌ له‌ كۆگاكانی به‌نده‌ری به‌یروتی پایته‌ختی لوبنان روویدا، به‌هۆیه‌وه‌ زیاترله‌ 160 كه‌س كوژران و تاوه‌كو ئێستا شه‌ش هه‌زاری كه‌سیش بریندار بوون و زیانێكی زۆری ماددیش به‌م وڵاته‌ كه‌وت.