وه‌زاره‌تی ته‌ندروستی لوبنان رایگه‌یاند: به‌هۆی ته‌قینه‌وه‌كه‌ی به‌نده‌ری به‌یروت، 160 كه‌س گیانیان له‌ده‌ستداوه و چاره‌نووسی 20 كه‌سی دیكه‌ش نادیاره، گه‌ران به دواییان به‌رده‌وامه.
ئه‌مڕۆ دووشه‌ممه، وه‌زاره‌تی ته‌ندروستی لوبنان له‌به‌یاننامه‌یه‌كدا بڵاویكرده‌وه، له‌ئه‌نجامی ته‌قینه‌وه‌كه‌ی به‌نده‌ری به‌یروت، 160 كه‌س گیانیان له‌ده‌ستداوه، چاره‌نووسی 20 كه‌سی دیكه‌ش بێسه‌روشوێنن و گه‌ڕان به‌دوایاندا به‌رده‌وامه.
وه‌زاره‌تی ته‌ندروستی لوبنان ده‌شڵێت: شه‌ش هه‌زار كه‌س له ته‌قینه‌وه‌كه‌دا برینداربوون و چاره‌سه‌ری پێویستیان بۆ كراوه، هه‌ندێ له برینداره‌كان نه‌خۆشخانه‌كانیان جێهێشتووه و ڕه‌وانی ماڵه‌وه‌كراون.
رۆژی سێشه‌ممه 4ی ئابی 2020، كاتژمێری شه‌شی سه‌رله‌ئێواره دوو ته‌قینه‌وه‌ی گه‌وره له كۆگاكانی به‌نده‌ری به‌یروتی پایته‌ختی لوبنان روویدا، به‌هۆیه‌وه زیانێكی زۆری ماددیش به‌ر ژێرخانی ئابووری لوبنان كه‌وت.
کۆمێنت (0)
تا ئێستا هیچ کۆمێنتێک نەکراوە.