گه‌ریلاکانی په‌که‌که‌ شوانێک له‌ سیده‌کان بریندار ده‌که‌ن

بەیانی ئەمڕۆ سێشه‌ممه‌ لە گەروی سنگای کوێستانی بەربزین، ھاوولاتیەک بەناوی مەناف عەبدوڵا ، بەگوڵلەی گه‌ریلاكانی پەکەکە بریندار بوو.

لەم بارەیەوە ئێحسان چەلەبی بەڕێوەبەری شاروچکەی سیدەکان، بەکوردستان تیڤی ڕاگەیاند: ئەمڕۆ بەیانی لەکاتی چوونی ھێزێکی پاراستنی ئەمنی و ھێزێکی پێشمەرگەی کوردستان بۆ پاراستنی سنوورەکە، لەوکاتە چەکدارانی پەکەکە لەگەروی سنگاو له‌ بناری چیای بەربزین تەقەی ھەڕەمەکیان کردووەو بەھۆیەوە ئەو ھاوڵاتییە کە پیشەی شوانی مەڕە گولـلەیەکی بەرکەوتووە و بریندار بووە و به‌ مه‌به‌ستی چارەسەریش شوانەکە ڕەوانەی نەخۆشخانەی فریاکەوتنی سۆران کراوە.

بەڕێوەبەری شاروچکەی سیدەکان لەبارەی ڕەوشی ناوچەکەش گوتی: ئێستا بارودۆخەکە ئارامترە.

گوتیشی بۆ ئارامی وپاراستنی سنوورەکان و ھاولاتیان گوند و ئاواییەکان لە شەڕو ئالۆزیەکانی نێوان پەکەکە وسوپای تورکیا بڕیار وایە ھێزەکانی پاسەوانی سنوور چەند بنکەیەکی دیکە لە سنوورەکانی دەڤەری سیدەکان زیاد بکەن.