كۆمپانیایه‌كی گه‌وهه‌ری ئیسرائیلی له ئێستاده ده‌مامكێك دروست ده‌كات كه نرخه‌كه‌ی ده‌گاته یه‌ك ملیۆن و پێنج سه‌د هه‌زار دۆلار و به گرانترین ده‌مامك له‌جیهاندا ئه‌ژمار ده‌كرێت.
به گوێره‌ی هه‌واڵێكی ئاژانسی ئه‌سیوشه‌یتد پرێس، ئیسحاق لیڤی، خاوه‌نی كۆمپانیای ئیڤڵ و دیزاینه‌ری ده‌مامكه‌كه گوتی: ده‌مامكه له زێڕو ئه‌ڵماس دروست ده‌كرێت و ده‌تواندرێت بۆ خۆپاراستتن ده‌مامكی ئێن 99ی لێ ببه‌سترێت.
هه‌روه‌ها گوتی: بازرگانێكی چینی كه له‌ویلایه‌ته‌یه‌كگرتووه‌كانی ئه‌مریكا نیشته‌جێیه،داوای كردووه ئه‌م ده‌مامكه‌ی بۆ به‌رهه‌مبهێنین و به‌ر له‌كۆتایی ئه‌مساڵ كاره‌كه ته‌واو ده‌بێت و ده‌بێته گرانترین ده‌مامك له‌جیهاندا.
لیڤی له‌دیمانه‌یه‌كدا له‌كارگه‌كه‌ی كه‌نزیكه له‌قودس، هه‌ندێك پارچه‌ی ده‌مامكه‌كه‌ی نمایش كردو گوتی: زۆر خۆشحاڵم كه ئه‌م ده‌مامكه كاتێكی ته‌واوی به‌فه‌رمانبه‌رانمان به‌خشی بۆ ئه‌وه‌ی بتوانن له‌م ساته دژواره‌دا، كاره‌كانی خۆیان له‌ده‌ست نه‌ده‌ن.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.