ئه‌مشه‌و سێ موشه‌ك له ده‌روازیه‌كانی ناوچه‌ی سه‌وزی به‌غدا كه‌وته خواره‌وه، موشەکێک به‌ر دیواری لقی 5ی پارتی کەوتەووه.
په‌یامنێری كوردستان تیڤی له به‌غدا رایگەیاند: كاتژمێری هه‌شت و نیوی ئه‌مشه‌و موشەکێک لە نزیک دیواری لقی پێنجی پارتی دیموکراتی کوردستان لە بەغدا کەتوەتە خوارەوە و موشەکەکە بەر دیواری لق کەوتووە بەبێ ئەوەی هیچ زیانێکی گیانی لێبکەوێتەوە.
ده‌شڵێت تا ئێستا هیچ كه‌سێك و لایه‌نێك به‌رپرسیاره‌تی خۆی به‌رامبه‌ر ئه‌م هه‌ڵدانی ئه‌م موشه‌كانه رانه‌گه‌یاندووه.
له‌لایه‌كی دیكه‌شه‌وه ئه‌ندامێكی لقی 5ی پارتی دیموكراتی كوردستان به ماڵپه‌ری كوردستان تیڤی راگه‌یاند: ئه‌مشه‌و سێ موشه‌ك ئاراسته‌ی ناوچه‌ی سه‌وزی به‌غدا كراوه، خۆشبه‌ختان هیچ زیانی گیانی نه‌بووه، موشه‌كێك به‌ر دیواری كۆنكریتی لق كه‌وتووه.
گوتیشی: ئاراسته‌كه لق نه‌بووه به‌ڵكو ناوچه‌ی سه‌وز بووه وه‌كو شه‌وانی رابردووش موشه‌ك ئاراسته‌ی ناوچه‌ی سه‌وزی به‌غدا ده‌كرێت.
کۆمێنت (0)
تا ئێستا هیچ کۆمێنتێک نەکراوە.