عارف تەیفور ئەندامی مەکتەبی سیاسی و بەرپرسی ئەنجوومەنی سەرکردایەتی پارتی دیموکراتی کوردستان لە سلێمانی _ھەڵەبجە رایده‌گه‌ێنێت بۆ یادی ١٦ی ئاب، ئەمساڵ ھیچ چالاکییەک ئەنجام نادەین، تەنیا لەڕێگەی راگەیاندنەکانەوە یادەکە دەکەینەوە.
عارف تەیفور به ماڵپەڕی فەرمیی پارتی دیموکراتی کوردستان راگه‌یاند ، بەھۆی بڵاوبوونەوەی نەخۆشی کۆرۆنا لە ھەرێمی کوردستان، ئەمساڵ ھیچ چالاکیمان بە بۆنەی یادی١٦ی ئاب نابێت، بەڵام بەفەرمیی یادەکە دەکەینەوە، ئەویش لەڕێگەی راگەیاندنەکانمانەوە، چونکە یادێکی پیرۆزە و پێویستە ھەموو ساڵ یادی بکەینەوە.
بەرپرسی ئەنجوومەنی سەرکردایەتی پارتی دیموکراتی کوردستان لە سلێمانی _ھەڵەبجە ده‌شڵێـت ، جارێکی دیکە ئەو یادە زیندوو دەکەینەوە بۆ میلەتەکەمان، بۆیەشە چالاکیمان نابێت، چونکە نامانەوێت بەھۆی چالاکی و گردبوونەوەوە کەس زیانی بەرکەوێت و تووشی ئەو ڤایرۆسە ببێت.
باسی لەوەشکردووه ، ئاھەنگ و گردبوونەوە ئەنجام نادرێت، بەڵام یادێکی پیرۆزە بۆ گەلی کوردستان بەگشتی، بەتایبەت بۆ پارتی دیموکراتی کوردستان و ئەندام و لایەنگرانی خۆی، کە لەڕێگەی راگەیاندنەوە گرینگی پێدەدرێت و یادەکە دەکرێتەوە، تەنھا بەشێوەی کرداری و ئەنجامدانی چالاکی یادەکە ناکرێتەوە، ئەوەش بۆ بەرژوەندی گشتیی و سەلامەتی خەڵکە.
کۆمێنت (0)
تا ئێستا هیچ کۆمێنتێک نەکراوە.