حه‌سن روحانی، سه‌رۆك كۆماری ئێران ئه‌مڕۆ شه‌ممه هۆشداریدایه ئیمارات له‌وه‌ی شوێن پێی ئیسرائیل له‌ناوچه‌كه‌دا ببێته‌وه.
روحانی له ووتارێكیدا كه ته‌له‌فزیۆنی ئێران بڵاویكرده‌وه‌و گوتی: ئیمارات هه‌ڵه‌یه‌كی گه‌وره‌ی ئه‌نجامدا له گه‌یشتنه رێككه‌وتن له‌گه‌ڵ ئیسرائیل،ئه‌مه‌ش له‌به‌رژه‌وه‌ندی ئه‌واندا نییه‌و هۆشدارییان ده‌ده‌ینێ له‌كردنه‌وه‌ی ده‌رگا به رووی ئیسرائیل له‌ناوچه‌كه‌دا.
هه‌روه‌ها گوتی: ئاسایی كردنه‌وه‌ی په‌یوه‌ندییه‌كانی ئیمارات له‌گه‌ڵ ئیسرائیل هه‌نگاوێكی سه‌ركۆنه‌كراو خیانه‌تێكی گه‌وره‌یه له‌هه‌مبه‌ر گه‌لی فه‌ڵه‌ستینی.
گوتیشی: ده‌سه‌ڵاتدارانی ئیمارات رێگایه‌كی هه‌ڵه‌یان گرتۆته‌به‌ر و هیوادارین له‌م هه‌ڵه‌یان په‌شیمان ببنه‌وه.
شایانی باسه رۆژی پێنج شه‌ممه دۆناڵد تره‌مپ،سه‌رۆكی ئه‌مریكا رایگه‌یاند: رێككه‌وتنێكی ئاشتی مێژوویی له‌نێوان ئیسرائیل و ئیمارات به سه‌رپه‌رشتی ئه‌مریكا هاتۆته كایه‌وه.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.