ئاوی خاسه‌ خەریکە وشک دەبێ

كه‌مبوونه‌وه‌ی ئاوی خاسه‌، زیانێكی گه‌وره‌ به‌ر كه‌رتی كشتوكاڵ ده‌كه‌وێت و ده‌بێته‌ هۆی كه‌مبوونه‌وه‌ی ئاوی خواردنه‌وه‌ی قەزای پشدەر و هه‌زاران ماسیش له‌ ناوده‌چن.

په‌یامنێری كوردستان تیڤی رایگه‌یاند: كه‌م بوونه‌وه‌ی ئاوی خاسه‌ سەرباری ئەوەی ھەزاران ماسی لەناودەچن، دەبێتە ھۆی كەمبوونەوەی ئاوی زێی بچووك و لە ئەنجامیشدا كەمبوونەوەی كارەبای نیشتیمانی.

ھەروەھا زیانێكی ماددیی گەورەش به‌ر كەرتی كشتوكاڵ ده‌كه‌وێت و ھەروەھا  پرۆژه‌ی  ئاوی خواردنەوەی قەزای پشدەر كە لەسەر زێی خاسەیه‌ مەترسی كەوتۆتە سەر و ئەگەر ئێران ئاوەكە بەرنەداته‌وه‌ خەڵكی دەڤەرەكە بێئاو دەبن.