ئێواره‌ی رۆژی شه‌ممه گەریلاکانی پەکەکە ھێرشیان کردە سەر سەربازگەیەکی سوپای تورکیاو بۆ ماوەیه‌ك شەڕ و تەقە بەردەوام بوو.
په‌یامنێری كوردستان تیڤی رایگه‌یاند: سه‌رله‌ئێواره‌ی رۆژی شه‌ممه، لە گردی زەردو سەری بن دێوانە گەریلاکانی پەکەکە ھێرشیان کردە سەر سەربازگەیەکی سوپای تورکیاو بۆ ماوەی پتر لە دەخولەک شەڕ و تەقە بەردەوام بووە.
بەپێی سەرچاوەیەکی ناوچەکەش دوای ھێرشی گەریلاکانی پەکەکە بۆ سەر ئەو سەربازگەیە تۆپخانەی سوپای تورکیا دەوروبەری گوندەکانی سیران و ئالەکانی تۆپباران کردووە .
جێگای باسە تادێت شەڕو ئاڵۆزیەکانی نێوان گه‌ریلاكانی پەکەکە و سوپای تورکیا گەرم تر و ڕەوشی ناوچە کەش ئاڵۆزتر دەبێت.
شەوی ڕابردووش فڕۆکەکانی تورکیا دەوروبەری گوندی گۆڕمەم کیان لەدەڤەری سیدەکان بۆردومان کرد.
شایه‌نی باسه شەڕو بۆردومانەکانیش بۆنەتە ھۆی ترس و دڵە ڕاوکێی زۆر بۆ ھاووڵاتیان و خەڵکی گوندو ئاوایەکان.
کۆمێنت (0)
تا ئێستا هیچ کۆمێنتێک نەکراوە.