كۆمپانیای ئه‌بیكس-ی نیشتمانی بۆ وه‌به‌رهێنانی ئیماراتی له‌گه‌ڵ گرووپی تیرا-ی ئیسرائیلی به ئامانجی هاوكاریكردن له بواری توێژینه‌وه‌و لێكۆڵینه‌وه‌ی تایبه‌ت به ڤایرۆسی كۆرۆنا،به ئاماده‌‌بوونی هه‌ردوو به‌رێوه‌به‌ری كۆمپانیاكه له ئه‌بو زه‌بی رێككه‌وتنێكیان واژۆكرد.
له‌مباره‌یه‌وه یوسف خوری، سه‌رۆكی ئه‌نجومه‌نی كارگێڕی كۆمپانیای ئه‌بیكس گوتی: خۆشحاڵین كه ده‌ستمان به‌هه‌ماهه‌نگی له‌گه‌ڵ گرووپی تیرا-ی ئیسرائیلی بۆ كردنه‌وه‌ی كاره‌كانی بارزگانی و ئابووری و شه‌راكه‌ته كاراكان له‌نێوان كه‌رته‌كانی ئیمارات و ئیسرائیل كردووه، كه ئه‌مه‌ش به‌رژه‌وه‌ندی خێرو چاكه بۆ خزمه‌تی مرۆڤایه‌تی و به‌هێزكردنی توێژینه‌وه‌و لێكۆڵینه‌وه‌ی تایبه‌ت به ڤایروسی كۆرۆنا له‌خۆ ده‌گرێت.
هه‌روه‌ها ئۆرین سادیف، سه‌رۆكی ئه‌نجومه‌نی كارگێڕی و سه‌رۆكی جێبه‌جێكاری گرووپی تیرا گوتی: خۆشحاڵین كه هه‌ماهه‌نگی له‌گه‌ڵ كۆمپانیای ئه‌بیكس ده‌كه‌ین و هیوادارین له‌م هه‌ماهه‌نگییه دا ئامانجه‌كانمان بێته دی.
شایانی باسه رۆژی پێنج شه‌ممه‌ه‌ی رابردوو، دۆنالد تره‌مپ رایگه‌یاند كه به‌سه‌رپه‌رشتی ئه‌مریكا ئیسرائیل و ئیمارات گه‌یشتوونه‌ته رێككه‌وتن.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.