له‌که‌رکوک بۆمبێکی چێنراو ته‌قییه‌وه‌و سێ کوژراو برینداری لێکه‌وته‌وه‌

سه‌رچاوه‌یه‌كی ئاسایشی عێراق ئه‌مڕۆ یه‌ك شه‌ممه‌ رایگه‌یاند، له‌ئاكامی ته‌قینه‌وه‌ی بۆمبێكی چێنراو سێ كوژراو برینداری لێكه‌وته‌وه‌.

سه‌رچاوه‌كه‌ له‌ لێدوانێكیدا به‌ ماڵپه‌ڕی سۆمه‌رییه‌ نیوزی راگه‌یاندووه‌: بۆمبێكی چێنراو له‌ شاره‌دێی ریاز له‌ كه‌ركوك ته‌قییه‌وه‌و له‌ئاكامدا ئافره‌تێك كوژراوه‌و دوو كه‌سی دیكه‌ش برینداربوون.

هه‌روه‌ها سه‌رچاوه‌كه‌ گوتیشی: دوای رووداوه‌كه‌ هێزه‌ ئه‌منییه‌كان گه‌یشتوونه‌ته‌ شوێنه‌كه‌و برینداره‌كانیان به‌مه‌به‌ستی چاره‌سه‌ركردن ره‌وانه‌ی نزیكترین نه‌خۆشخانه‌ كردووه‌و ته‌رمی ئافره‌ته‌كه‌ش ره‌وانه‌ی پزیشكی دادی كراوه‌.

وه‌رگێڕان و داڕشتنه‌وه‌ی / رزگار