وریا ئه‌حمه‌د
سێ رۆژ بەر لەوەى کۆچى دوایى بکات، لەگەڵ کاک (نەجاتى مەلا جەوهەر) بەدەسکە گوڵ و نەستەلەى (رۆفاییلۆ) کەزۆرى حەز لێبوو بۆلاى چووین، لەنەخۆشخانەى شاری (ئەپڵ دۆڕن) لە هۆڵەندا لەژێر چاودێرى پزیشکاندابوو.
کەچاوى پێمکەوت، وەک ئەوەى بڕوانەکات منم بۆلاى چووم، چونکە دەیزانى ماوەى چەندین ساڵە لێرەم و دوور لە خانەوادە و دایک و کەسوکارو دۆستان و هێشتا جارێ نەتیجەشم نییە، یەکسەر بە(نەوزادى براى) کە بەداخەوە ئەویش ئەمساڵ کۆچى دوایی کرد، گوتى: سەرم دابێنە، پاشان گوتى: سەرینەکم بخەنە ژێرسەر؟ خوشکەکانى کە لە (بەریتانیا)وە بۆلاى هاتبوون، گوتیان چەندین رۆژە لەپشت سەرینە ئاگاى لەخۆنییە، کەچى بەدیتنى تۆ زیندوو بووەوە، نەستەلەکانى بەسوێند دەرخوارداین، گوتم: بۆتۆم هێناوە کەچى رازى نەبوو، زۆرمان قسەکرد، دواجار کە بە جێم هێشت گوتى: خوا دەزانى ئەمجارە لەکوێ یەکتر دەبینینەوە؟ دیارە دڵى خەبەرى دابوو ئەوە دواجاریەتى بمبینێت، گیانى شادبێت ویادى بەخێر. سوپاس بۆ کاک نەجات بۆ وێنەکان.
کۆمێنت (0)
تا ئێستا هیچ کۆمێنتێک نەکراوە.