دکونگرەیەکێ روژنامەڤانی دا رێڤەبەریا گشتی یا ساخلەمیا پارێزگەھا دھوک راگەھاند کو دنوکەدا پارێزگەھا دھوک د رەوشەکا خراب دادەرباز دبیت و ھژمارا نەخوشان بەرەڤ زێدەبوونێ دچن.
د. نزار عسمەت رێڤەبەرێ گشتی یێ ساخلەمیا پارێزگەھا دھوک دیارکر ژبەر زێدەبونا ژمارا نەخوشێن ڤایروسێ کورونایێ دنوکەدا جھێ نەخوشان د ناڤا نەخوشخانەیان دا نەمایە و ب مخابنی ڤە ژ بەر ڤی ئەگەری چەند نەخوشان گیانێ خوە ژ دەست داینە پاشان پشکنینێن وان دەرکەفتینە لەوما ب نەچاری ڤە پلانەکا نوی ھاتیە دانان و بەشەکێ نەخوشخانەیا ئازادی دێ بو نەخوشێن کورونایێ ھێتە بەرھەڤکرن کو پێکدھێت ژ قاتێ ئێکێ و بەشێ ھەوارھاتنا وێ.
د.نزار عسمەت دیارکر ژی کو پێتڤیە خەلک خو ب پارێزن د ھاریکاربن د گەل وان ئەگەر نە کارەسات دێ دروست بن ژبەرکو دنوکەدا ڤایروس گەلەک بەلاڤ بویە دناڤا پارێزگەھێ دهۆكێ دا.
رێڤەبەرێ گشتی یێ ساخلەمیا پارێزگەھا دھوک گوت ژی کو دنوکە دا ئەو پێتڤی ب ھاریکاریێ نە و داخواز ژ دەولەمەندان دکەن کو دھەڤکاربن دگەل وان بو کرینا چەندین ئامیرەکان ژبەرکو رەوشا وان یا دارای یا خرابە.
evronews
کۆمێنت (0)
تا ئێستا هیچ کۆمێنتێک نەکراوە.