ئەیاد حاجی نامق ئەمینداری پێشووی پەرلەمانی عێراق لە میانەی بەشداریكردن لە بەرنامەی رۆژەڤی كوردستان سەبارەت بە بابەتی عێراق لە ملكملانێی وڵاتانی هەرێمی و زلهێزدا رایگەیاند كە ئەمرۆ شاندی عێراق لە واشنتننن و كۆبوونەوەیەك و دیدارێك لە نێوان وەزیرانی دەرەوەی عێراق و ئەمەریكا ئەنجامدرا .
روونیشیكردەوە كە ئەو سەردانەی كازمی بۆ ئەمەریكا ، بە بۆچوونی خۆم وەچەرخانێكی گەورەیە كە بەسەر بارودۆخی عێراق روودەدات ، بەتایبەتی دوای كۆبوونەوەی لوتكەی نێوان كازمی و ترامپ .
هەروەها گۆرانكاری گەورە هەیە لە گۆرەپانی هەرێمی و هەروەها خودی ئەمریكا .
عێراق و ئەمەریكا دوو ریكەوتنیان واژوو كردووە یەكەمیان ستراتیژی و ئەوەی تر سەربازی . یەكەمیان ساڵی 2008 بوو ، باس لە ژمارەو جۆری سەربازی و مانەوەیان لە عێراق كرد .
لەساڵی 2011 ـەش رێكەوتنی دووەم روویدا لە سەر ئالیەتی كشانەوەی هێزەكانی ئەمەریكا لە عێراق .
لەساڵی 2014 ـەش عێراق تووشی جەنگی تیرۆریستانی داعش هات ، بۆیە عێراق داوای مانەوەی هیزەكانی ئەمەریكایان كرد .
سێ تەوەر كە زۆر گرنگن لەو سەرانەدا باسی لێوە دەكرێت لەوانەیە ئاسایش ، ئابووری ، كۆرۆنا ، سێ چەمكن عێراق داوای دەكات لە ئەمەریكا كە چۆن چارەسەری بكەن و هاوكاری عێراق بكەن .
ئەمەریكاش لە بەرامبەردا داوا دەكات كە میلیشیاكان و ئەوانەی پشتیوانی ئێرانن سنووریان بۆ دابنرێت
كازمی لە ئێران رایگەیاند كە ئێمە بە تەواوی سەروەری لە گەڵ ئێراندا مامەڵە دەكەین ئەوە شتێكی نوێ بوو .
هەروەها كازمی هەوڵ دەدات ، كە سەروەری عێراق بگەرێنێتەوە ، ئەو سەردانەشی بۆ ئەمەریكا ئەگەر سەركەوتوو بێت ، ئەوا ئەمەریكا هاوكاری عێراق دەكات .
كازمی هەوڵ دەدات شەقامی عێراق بۆ خۆی رابكێشێت ،ئەگەر ئەو داوایانەی پامپیۆ وەزیری دەرەوەی ئەمەریكا جێبەجێ بكرێت ، كە بریتی بوون لە چاككردنی رەوشی ئەمنی و چارەسەركردنی گروپە چەكدارەكان ، هەروەها بوونی عێراقێكی خالی لە گەندەڵی
دواتر پێویست دەكات چەك بە دەست دەوڵەتەوە بێت .
كازمی پێویستی بە چەند هەنگاوێكە بۆ كۆنترۆڵ كردنی عێراق .
پشتیوانی ئەو چەكدارە میلیشیاكانە ببڕێت ، هەروەها لە رووی گەندەڵی پێویستە هەنگاو بنێت بۆ بنبڕكردنی ، ئەویش لە سەری ئەوان بدات .
شاندی هەرێمیش لەو سەردانەدایە داواش لەو شاندە دەكرێت رێز لە كەمە نەتەوایەتییەكان بگیرێت و دیموكراسی لە كوردستان پێشبكەوێت و گەندەڵی بنبڕبكرێت و یەك هێزی پێشمەرگە هەبێت ، دادوەری گرنگی پێبدرێت بەمەش ئەمەریكا زیاتر لە كورد و هەرێمی كوردستان دێتە پێشەوە .
کۆمێنت (0)
تا ئێستا هیچ کۆمێنتێک نەکراوە.