به‌گوێره‌ى خشته‌ی بڵاو كراوه‌ى دابه‌شكردنى مووچه‌ى مانگی 3 له‌لایه‌ن وه‌زاره‌تى دارایی و ئابووری هه‌رێمی كوردستان بڵاو كراوه‌ته‌وه ئه‌مرۆ مووچه‌ى 18 وه‌زاره‌ت و ده‌سته‌كان دابه‌شده‌كرێت
وێڕای پشووی فه‌رمی ئه‌مرۆ هه‌ینى 21 ى 8 ى 2020 مووچه‌ى هه‌ریه‌ك له‌وه‌زاره‌ته‌كانى کاروباری کۆمەڵایەتی ، کەمئەندامان ، داد ، ئەنجومەنی دادوەری ، سامانە سروشتیەکان ، ئەوقاف ، پلاندانان ، پیشەسازی و بازرگانی ، گواستنەوە و گەیاندن، خوێندنی باڵا دابەشدەکرێت.
هەروەها هه‌ر ئه‌مرۆ مووچه‌ى ده‌سته‌كانى دیوانی چاودێری دارایی ، مافی مرۆڤ ، هەڵبژاردن ، ناوچەکانی دەرەوەی هەرێم ،دەستپاکی ، دەزگای مین دابەش دەکرێت.
هه‌ر به‌پێی خشته‌ی بڵاوكراوه‌ی وه‌زاره‌تى دارایی و ئابووری هه‌رێمی كوردستان سبه‌ى شه‌ممه 22 ى 8 ى 2020 ، مووچه‌ى هه‌ریه‌ك له‌وه‌زاره‌ته‌كانى شاره‌وانى ، كاره‌با ، كشتوكاڵ و سه‌رچاوه‌كانى ئاو ، رۆشنبیری و لاوان ، ئاوه‌دان كردنه‌وه و نیشته‌جێ كردن ، سێ سه‌رۆكایه‌تیه‌كه‌ى هه‌رێمی كوردستان
رۆژی یه‌كشه‌ممه‌ش 23 ى 8 ى 2020 ، مووچه‌ى خانه‌نیشنانى پێشمه‌رگه و رۆژی دووشه‌ممه‌ش مووچه‌ى خانه‌نیشینی شارستانى دابه‌شده‌كرێت
به‌دابه‌شكردنى مووچه‌ى ئه‌م شوێنانه‌ش دابه‌شكردنى مووچه‌ى مانگی 3 ى 2020 به‌كۆتا دێت
دارشتنه‌وه‌ى هه‌واڵ - شوان عه‌زیز
کۆمێنت (0)
تا ئێستا هیچ کۆمێنتێک نەکراوە.