له سه‌ده‌ى رابردوو شانبه‌شانى میلله‌تان، رۆشنبیرو زمانناسانى كوردیش بۆ بره‌و دان به بوارى فه‌رهه‌نگى كه‌وتنه خۆ و به‌ده‌یان فه‌رهه‌نگى زمانه‌وانى چاپ و بڵاو كراونه‌ته‌وه به‌ڵام وه‌ك پێویستیه‌كى هه‌میشه‌یى بۆ خوێندن و خوێنده‌وارى به تایبه‌تى بوارى زانسته مرۆڤایه‌تییه‌كان و ئه‌كادیمست و نوسه‌رو ر رۆشنبیران ئه‌وه‌نده‌ى هه‌بێت هێشتا كه‌مه .
له‌نوێترین هه‌وڵدا گه‌وره‌ترین فه‌رهه‌نگى عه‌ره‌بى -كوردى به‌ناوى فەرهەنگا نووژەن (القاموس العصری) به چاپ گه‌یشت.
فەرهەنگا نووژەن فەرهەنگێكی عەرەبی- كوردییە و بریتییە لە چوار بەرگ و بەسەر یەكەوە دوو هەزار و 982 لاپەڕەیە.
ئه‌م فه‌رهه‌نگه له لایه‌ن كۆچكردوو عه‌زیز ئاكره‌یى (1924-1998) ناسراو به (مقه‌ده‌م عه‌زیزعه‌قراوى ) داندراوه هه‌روه‌ك خۆى پێشتر باسى له‌و فه‌رهه‌نگه كردووه كه نزیكه‌ى 40 ساڵ خه‌ریكى بووه سوودی لە هەموو شێوەزارەكانی زمانی كوردی وەرگرتووە و خۆی بە تاقە شێوەزارێك نە بەستووەتەوە و لە كوردیدا تیپی لاتینیی بەكارهێناوە و پێی وابوو رێنووسی لاتینی گونجاترە بۆ زمانی کوردی.
ئەم فەرهەنگە بەرهەمی ساڵێك و دووان نییە، بەڵكو بەرهەمی رەنج و ماندووبوونی عەزیز ئاكرەییە لە شەستەكانی سەدەی رابردووەوە تاوەكو كاتی كۆچكردنی.
موقەدەم عەزیز لەگەڵ ئەركی پێشمەرگایەتیدا كاری ئەم فەرهەنگەیشی خستبووە سەر شانی خۆی.
كاروان ئاكره‌یی ، براى نوسه‌ر ئاماژه به‌وه ده‌دات كه گێڕانەوەی چیرۆكی ئەم فەرهەنگە كارێكی ئاسان نییە، لە هەندەرانەوە هێنراوەتەوە وڵات و تایپكراوە و خراوەتە سەر كۆمپیوتەر، تاوەكو بەمشێوەیەی ئێستا جوان و پووخت و لەسەر ئەركی خۆم (کاروان ئاکرەیی) وەك وەفادارییەك بۆ برام عەزیز ئاكرەیی و بۆ خزمەتكردن بە زمان و فەرهەنگی كوردی چاپكراوە وهیوادارم ئەم فەرهەنگە لە تەك فەرهەنگەكانی دیكەدا كەلێنێك لە كتێبخانەی كوردی پڕ بكاتەوە.
کۆمێنت (0)
تا ئێستا هیچ کۆمێنتێک نەکراوە.