جیا له ده‌رچونى ئه‌و 11 قوتابییه یه‌كه‌مه‌ى ئه‌مساڵى 2019-2020 قوتابییه‌كى دیكه به كۆنمره‌ى 700 و تێكڕاى 100% له به‌شى زانستى ده‌رچووبوو، به‌ڵام به گوێره‌ى یاسا له گه‌ڵ یه‌كه‌مه‌كان هه‌ژمار نه‌كرا.
مزه‌فه‌رحه‌كیم ڕه‌سوڵ قوتابى دواقۆناغى شه‌شى ئاماده‌یى كوردستان له شارى هه‌ولێر به ماڵپه‌رٍى كوردستان تیڤى راگه‌یاند: پارساڵ له ئه‌زموونه‌كانى كۆتایى 93% م به‌ده‌ست هێنا به‌ڵام پێى رازى نه‌بووم و زۆریش متمانه‌م به‌خۆم هه‌بوو، بۆیه ئه‌مساڵ باشتر خۆم ئاماده‌كردبوو له ئه‌نجامدا كۆنمره‌كانى ئه‌مساڵم گه‌یانده700و به تێكڕاى 100% به‌ئاواتى خۆم گه‌یشتم و ماندووبونى خۆم خانه‌واده‌كه‌م به هه‌ده‌ر نه‌چوو.
به‌ڵام ئه‌و وه‌ك گله‌ییه‌ك ئه‌وه‌ى خسته روو كه بۆچى ئه‌و یاسایه رێگر بووه وه‌ك یه‌كه‌مه‌كانى دیكه ناوى نه‌خوێندراوه‌ته‌وه‌و خه‌ڵات و رێزلێنانى به‌ر نه‌كه‌وتوه .
ئاماژه‌ى به‌وه‌شدا دواى پێزانینى به شێوه‌ى ده‌رچوونى من، به‌رێزئالان حه‌مه‌سه‌عید وه‌زیرى په‌روه‌رده په‌یوه‌ندى پێوه كردووم و كه به‌تایبه‌تى بمبینێت و رێزم لێ بگرێت.
مزه‌فه‌ر حه‌كیم ره‌سوڵ له دایكبووى 2001 ى شارى هه‌ولێره له به‌ره‌سه‌ن خه‌ڵكى كه‌ركووكه له نه‌وه‌ده‌كانى سه‌ده‌ى رابردوو خانه‌واده‌كه‌ى بۆ هه‌ولێر راگوێزراون
کۆمێنت (0)
تا ئێستا هیچ کۆمێنتێک نەکراوە.