چه‌ند هه‌ڵه‌یه‌کی باو له‌ کاتی سوتانی جه‌سته‌ی منداڵه‌کان له‌لایه‌نی دایکان و باوکان

-به‌كارهێنانی مه‌عجونی ددان بۆ شوێنی سوتاوه‌كه‌ ده‌بێته‌ هۆی پیسبونی شوێنه‌ سوتاوه‌كه‌، پێویسته‌ له‌م حاڵه‌تانه‌ مه‌لحه‌می سوتان به‌كار بهێندرێت وه‌ك ئه‌فومیب یا میبو.

-به‌ستنی شوێنی سوتان به‌ په‌ڕۆ ده‌بێته‌ هۆی گه‌رمتر بوونی شوێنی برینه‌كه‌ و زیاتر ئاوسانی.

- نابێت شوێنی برینه‌كه‌ راسته‌وخۆ دوای سوتانی سه‌هۆڵ بخرێته‌ سه‌ر، وا باشتره‌ ئاو به‌كار بهێنرێت یان ئه‌گه‌ر سه‌هۆڵ به‌كار بهێنرێت باشتره‌ به‌ر پێسته‌كه‌ نه‌كه‌وێت و یه‌كه‌م جار پارچه‌یه‌ك قوماش له‌سه‌ر شوێنی مه‌به‌ست دابندرێت ئینجا سه‌هۆڵ له‌سه‌ر دابنرێت.

- ته‌قاندنی ئه‌و بڵقه‌ی كه‌ له‌ ئه‌نجامی سوتان دروست ده‌بێت ئه‌مه‌ش هه‌ڵه‌یه‌كی گه‌وره‌یه‌، چونكه‌ ئه‌و بڵقه‌ پره‌ له‌ پلازمای له‌ش پێویستیه‌كی گرنگی له‌شه‌، واباشتره‌ وازی لێبهێنرێت تا جارێكی تر له‌ش هه‌ڵی ده‌مژێته‌وه‌.

ئا:شه‌هلا ره‌شید