كاكەمین نەجار ئەندامی مەكتەبی سیاسی و بەرپرسی ئەنجومەنی سەركردایەتی پارێزگای هەولێر لە میانەی بەشداری لە بەرنامەی رۆژەڤی كوردستان سەبارەت بە رەوشی هەرێمی كوردستان و پێشهاتەكانی ناوچەكە رایگەیاند:
بارودۆخی كوردستان جیاواز نییە لە گەڵ بارودۆخی ناوچەكەو جیهان ، بەتایبەتی ئەو ڤایرۆسەی كۆرۆنا و كاریگەری لە سەر بارودۆخی سیاسی و ئابووری و كۆمەڵایەتی لە سەر جیهان و كوردستانیش بەهەمان شێوە كرد .
جگە لە پرسی كۆرۆنا چەندین كیشەی سیاسیش لە ناوچەكە هەن كە كاریگەری لە سەر ناوچەكەو هەرێمی كوردستان كردووە .
سەبارەت بە پرۆژەی چاكسازی روونیكردەوە كە پرۆژەی چاكسازی لە لایەن پەرلەمانەوە دەنگی لە سەر درا و كابینەی ئێستای حكومەت كاری لە سەر دەكات ، ئەو كیشانەش كە هەن كەڵەكەبووی چەندین ساڵە هی ئیستا نییە . بەڵام بەداخەوە لە كاتی هەوڵەكانی حكومەتی هەرێم خەڵكانێك هەوڵی شێواندن دەدەن بە ناوی خۆپیشاندان ، كە ئەمە خۆپیشاندان نییە ، چونكە مەعقوڵ نیە خۆپیشاندان كاتژمێر 11ی شەو ئەنجام بدرێت .
راشیگەیاند كە خۆپیشاندان لە كاتی دەوام دەبێت پەیامی خۆی بگەیەنەتە حكومەت و دامەزراوە فەرمییەكان ، خۆپیشاندان ئەوە نییە پەلاماری بارەگای حزبی بدرێت و قایمقامیەت بسوتێنێت . شارەوانی دەسووتێنێت . ئەوانە خراپەكارییە ، پێویستە ئەوانەی ئەو خەڵكە دەجوڵێنن بدرێنە دادگاو لێپرسینەوەیان لە گەڵ بكرێت .
پێویستە داواكارییەكان مەدەنیانە بێت و هەموو داواكانیش بخرێتە روو ، چاكسازیش پێویستە لەی هەموو سێكتەرەكان بكرێت
كاكەمین نەجار رووی كردە تەواوی پارتە سیاسییەكان و گوتی : پێویستە واقیع بین بین ، هەموومان بەرپرسیاریەتی لە ئەستۆ بگرین ، هەموو پارتە سیاسییەكان ئەوانەی حكومەت پێك دەهێنن بەشێكن لە بڕیاری حكومەت بۆیە بەرپرس بن لە هەر بڕیارێك و بەرگریشی لێ بكەن .
روونیشیكردەوە كە نابی هیچ پارتێك بەشێك بێت لە حكومەت و لە هەمان كات ئۆپۆزسیۆن بیت .
هەموومان بەرپرسین لەو بارودۆخە ، بەتایبەتی پارتی و یەكێتی كە سەنگیان لە پارتەكانی دیكە زیاترە .
راشیگەیاند كە پارتەكانی دیكە وەكو پارتی شان نادەنە بەرپرسیاریەتی بەرامبەر بەو كێشەو گرفتانەی كە دووچاری هەرێم دەبێتەوە .
پارتی بە پێی ئیستیحقاقی هەڵبژاردن جومگەكانی دەسەڵاتی بەدەستەوەیە ، ئەو كورسیانەی كە بەدەستهاتوون بەپێی رێژەی بەشداری بوون بووە ، كە ئەوانەی دەنگیان داوە .
پارتی بەپێی ئەو كورسیانەی كە هەیەتی ئەو ئیستیحقاقەی خۆی لە پۆستەكان وەرنەگرتووە ، بۆیە پارتی مافی كەسی قۆرخ نەكردووە ، بەڵام پرسی نیشتیمانی و نەتەوەیی یەكێكە لەو پرسانەی كە پارتی گرنگی پێ دەدات .
سەبارەت بە پرسی پەیوەندیەكانی نێوان هەرێم و بەغدا رایگەیاند كە كیشەكانی نێوان هەرێم و بەغدا ، پێویستی بە یەكگرتوویی لایەنە سیاسییەكان هەیە ، ماددەی 140 جێبەجێ بكرێت ، خەڵكێكی زۆر كورد ئاوارەن لە ناوچەكانی كەركووك شەنگال ، سیاسەتی تەعریب بەردەوامە و كورد ئێستا پەرتەوازەیە ، نابێت لە پرسە نیشتیمانیەكان پەرتەوازە بین .
كۆبوونەوەكانی پارتی و یەكێتی بەردەوامی هەیە و و رایگەیاند كیشەی گەورەمان لە گەڵ یەكێتی نیە لە دوو وێستگە لە گەڵ یەكین ئەویش حكومەت و پەرلەمانی كوردستانە ، بەڵام پێویستە یەكگرتوو بین پێكەوە لە گەڵ هەموو پارتەكان بۆ پرسە نیشتیمانیەكان .
سەبارەت بە بەرپرسانی ئەو خۆپیشاندانانە كاكەمین نەجار رایگەیاند ئەو شێوازە داواكارییانە هەڵەن كەسێك كە ژمارەیەك كەس دەهێنێتە سەر شەقام داوای مافی ئەوان دەكات ، ئێمەش دەتوانیین دە ئەوەندەی ئەوان بهێنینە سەر شەقام ، بۆیە با چاوەڕوانی هەڵبژاردن بن و سندوقی دەنگدان ئەو كیشەیە یەكلایی بكاتەوە .
سەبارەت بە پرسی كۆنگرەی پارتی ،كاكەمین نەجار رایگەیاند كە ئامادەكاری كراوە ، بەڵام ئەو بارودۆخەی كۆرۆنا رێگرە هەركاتێك بارودۆخ باشتر بوو ئێمە كۆنگرە ئەنجام دەدەین .
کۆمێنت (0)
تا ئێستا هیچ کۆمێنتێک نەکراوە.