پارێزگای سلێمانی مەرج و رێکارەکانی تاپۆکردنی زەوی و خانوە زیادەڕۆکانی سنوری شارەوانی پارێزگاکەی بڵاوکرده‌وه‌

 له‌راگه‌یاندراوێكدا مەرج و رێکارەکانی تاپۆکردنی زەوی و خانوە زیادەڕۆکانی سنوری شارەوانی پارێزگای  سلێمانى بڵاوکرایه‌وه‌

 پارێزگای سلێمانی رایده‌گه‌ێنێت ، بە جێبەجێکردنی بڕیاری ژمارە (5)ی ساڵی (2019)، کە تایبەتە بە خاوەنکردنی ئەو زەویانەی کە زیادەڕەوی کراوەتە سەر و بۆ زیاتر ڕاپەڕاندنی کاری هاوڵاتیان و جێبەجێکردنی مادەی (2) بڕگەی (3)ی بڕیاری سەرەوە، پێویستە زیادەڕەوکار ئەم بەڵگەنامانەی خوارەوە پێشکەش بە لیژنەکە بکات لە بەڕێوەبەرایەتی کاروباری یاسایی دیوانی پارێزگای سلێمانی:

1- باری شارستانی + رەگەزنامەی عێراقی یان کارتی نیشتمانی.

2- پشتگیری ئاسایش + پشتگیری ئەنجومەنی گەڕەک.

3- فۆڕمی خۆراک.

4- پسوڵەی ئاو و کارەبا.

5- قسام شەرعی ئەگەر زیادەڕەوکار وەفاتی کردبێ.

6- لە یەک خانوو زیاتر داوا نەکات بۆ تەملیک کردن.

7- پێویستە زیادەڕەوکار تەمەنی سەروو (18) ساڵ بێت.