سه‌رپه‌رشتێ چاره‌سه‌ركرنا نه‌خۆشێن كۆرۆنایێ ل پارێزگه‌ها دهۆكێ دیاركركو ژبه‌ر زێده‌بوونا حاله‌تیێن نه‌خۆشیا كۆرۆنایێ ره‌وش نۆكه باش نینه نۆكه 44 تووشبوویێن كۆرۆنایێ دناڤ نه‌خۆشخانێ دا نه ره‌وشا وان تێكچوویه.
د. موئه‌یه‌د ئه‌غالى، سه‌رپه‌رشتێ چاره‌سه‌ركرنا نه‌خۆشێن كۆرۆنایێ ل پارێزگه‌ها دهۆكێ بو مالپه‌را نۆش نیوز دیاركر، كو نۆكه 44 تووشبوویێن كۆرۆنایێ د ره‌وشه‌كا نه‌باشدانه بۆ هه‌موویان ئوكسجین هاتینه دانان.
هه‌روه‌سا بۆ 19 تووشبویان ژى ئامیرێ هه‌ناسه‌دانا ده‌ستكرد هاتیه دانان و گۆت: راستى ژى ره‌وش باش نینه چونكو حاله‌تێن كۆرۆنایێ یێ زێده‌بن پێدڤیه وه‌لاتی پتر خۆ بپارێزن.
ئاشكراکر كو تووشبوویێن ره‌وشا وان تێكچووی ژى پتر ئه‌ون یێن نه‌خۆشیێن دومدرێژ هه‌ین و هه‌ر تشته‌كێ شیاندا بیت بۆ تووشبوویان دهێته ئه‌نجامدان پێخه‌مه‌ت باشكرنا ره‌وشا وان یا ساخله‌میێ.
کۆمێنت (0)
تا ئێستا هیچ کۆمێنتێک نەکراوە.