هاوردەکردنی تەماتە قەدەغە دەکرێت

وەزارەتی كشتوكاڵ و سەرچاوەكانی ئاوی حكومەتی هەرێمی كوردستان هاوردەكردنی تەماتە بۆ ناو هه‌رێم  قەدەغە ده‌كات.

وەزارەتی كشتوكاڵ سەرچاوەكانی ئاوی حكومەتی هەرێمی كوردستان لە نوسراوێكدا كه‌ وێنه‌یه‌كی ده‌ست ماڵپه‌ری كوردستان تیڤی كه‌وتووه‌، هاتووه‌ بەپێى ئەو نوسراوەى كه‌ ئەمڕۆ 24-8-2020 بە واژۆی بێگەرد تاڵەبانی وەزیری كشتوكاڵ ئاراستەی وەزارەتی دارایی و ئابووری/ بەڕێوەبەرایەتی گشتی گومرگ-ی كردووە، تیایدا هاتووە بەمەبەستی پاراستنی بەرهەمی خۆماڵی، بڕیارماندا بە قەدەغەكردنی هاوردەكردنی بەروبوومی تەماتە لە دەرەوەی وڵات لە رێكەوتنی 27-8-2020 بۆ كاتێكی نادیار.