ڕوونکردنەوەیەک لە ئەنجومەنی سەرکردایەتی پارێزگای هەولێری پارتی دیموکراتی کوردستان

 ئه‌نجومه‌نى سه‌ركردایه‌تی هه‌ولێری پارتى دیموكراتى كوردستان روونكردنه‌وه‌یه‌كی بۆ رای گشتى بڵاو كرده‌وه‌

له‌روونكردنه‌وه‌كه‌دا هاتووه‌: لە چەند ڕۆژی ڕابردوو لە تۆڕە کۆمەڵایەتیەکان دەنگۆیەک لە بارەی گۆڕانکاری حزبی لە لقی دووی پارتیمان بڵاو کراوەتەوە .
گوایە لەم چەند ڕۆژە گۆڕانکاری حزبی دەکرێت ، لێرەوە بۆ هەموو لایەک بە تایبەت کادیرانی خۆمان ڕایدەگەیەنین کە پارتیمان لە کوێ و لە چ کات پێویست بێت لەوێ گۆڕانکاری دەکات و بە ڕاسپاردە و ڕێنمایی حزبی دێتە خوارەوە و جێبەجێ دەکرێت . نەوەک لە تۆڕە کۆمەڵایەتیەکان .

ئه‌نجومه‌نى سه‌ركردایه‌تى هه‌ولێر ده‌شڵێت بۆیە گرنگە کادیرانی ئێمە هۆشیارتر بن و نەکەونە ژێر کاریگەری پۆستەکانی فەیسبووک و تۆڕەکانی تر . لە ئێستادا گۆڕانکاری لە ئارادا نییە و کەی گۆڕانکاری بکەین ئەوکات بە فەرمی ڕایدەگەیەنین ..

دارشتنه‌وه‌ى هه‌واڵ - شوان عه‌زیز